موضوع جـــــــــااااد للشبــاب .....ونفس الوقت محرج ؟؟؟؟

[فتي الشرقيه]

تحية طيبة للجميع ....


لا شك احبتي أننا نعلم ان الرجل هو الذي يتقدم الى الفتاة ويتقدم بخطبتها ......

ولكن هل من الممكن ان تقوم الفتـــاة بعرض نفسها طلبا للزواج .....؟؟؟

هل تقبل بالزواج من فتــاة أحبتك وعرض نفسها لخطبتك .. .. ؟؟


ولو تقدمت لك احد الفتيات برغبة صادقة للزواج منها على شريعة الله...... فهل تقبل.... ؟؟؟

وماذا سيكون موقفك..... ؟؟؟


اخوكم صغير ..فتى الشرقيه..:p

[العتيبي]

اخوي : فتى الشرقية

اخي الكريم وما المانع

ان كانت ذا خلق ودين

بالنسبة لي بصراحة قد لا اوافق

وذلك وفقاً للعادات والتقاليد عندنا

لكن ...

[الخالدي]

المشكله في التقاليد والخروج عنها يعتبر شي غير مالوف فما المانع ان تتقدم الفتاه لخطبه الرجل اذا كانت من عائله مشهود لها بالاخلاق والدين كما مشهود لهذه الفتاه بالحياء والدين ولكن نظره الناس الى هذه الفتاه هي المشكله فستكون عرضه لكلام الناس في كل مكان ....

شكرا لك يا فتى الشرقيه على طرحك هذا الموضوع

[المبرمج الصغير]

السلام عليكم
مافيه مشكلة إذا كان الزواج على سنة الله ورسوله

[الصقر]

والله في هذا الزمان الغبر ما اتوقع الشىء هذا يصير ...ولو صار يمكن افكره حلم واصحى منه فيكون لا شىء :(

[ناصر]

السلام تسلم وانا اخوك على هالموضوع
طبعاً الكل يدري ان تقاليدنا خاليه من هذا الامر كون ان الواحده تقدم على رغبتها بالزواج من واحد هذا شي جديد ،
بس في نفس الوقت حنا نبدي الدين والشريعه قبل تقاليدنا طبعاً ما جاء في القرآن او السنه كلام يلزم الزوج انه هو اللي يتقدم بالطلب للزواج وأنه يحرم على المرأه ان تختار الزوج حتى لو انه ما وافق فيها مستقبلا
بدينا نشوف من المواقع وفي المجلات الدعايات على الزواج سواء من المرأه او الرجل
ولا احد يدري عن المستقبل يمكن تتوازا الكفه .
واذا قلت المستقبل يعني المستقبل القريب .... هذا اذا ما صارت لبعض الناس
الله يستر على المسلمين

[المـرسـى]

أخي فتى الشرقية ،،،


في الحقيقة موضوع جداً حساس و مثير في نفس الوقت
ولكن أنا من وجهة نظري لا ارى فيها اي حرام في هذا
الموضوع خاصة إذا كانت البنت طالبة الزواج ...

ديننا الإسلامي لم يحرم هذا الأمر بل احله لنا و هذه هي
الحياة ...



تقبل خالص تحياتي ،،،

[عبدالمحسن الودعاني]

السلام عليكم

في البدايه اسمح لي اخي فتى الشرقيه ان اعطيك ولو جزء من حقك واقول لك استمر في ابداعك فذوقك راقي واختيارك دقيق ينم على علو ذوقك وسعه اطلاعك ...تقبل مني كل الأحترام وكل التقدير

موضوعك حساس جداً وتتردد المرأه كثيراً قبل ان تقدم على هذا الشئ لا لشي ولكن لأن مجتمعنا مجتمع محافظ والعادات والتقاليد السائده تزيد من صعوبه خطبه البنت للرجل

لكن فيه نقاط احب اتطرق لها تدعو البنت لخطبه الرجل منها :

* ان الشئ المعروف ان المهور غاليه لكن اذا عرضت البنت نفسها فأكيد انها راح تأخذ مهر لكن المؤكد انها لن تبالغ في مهرها ولن تبالغ في المصاريف الأخرى خاصه اذا كان الرجل حالته الماديه ضعيفه .

* العوانس <--- ربما موضوع العونسه وخوف الفتاه من هذا الشبح المخيف لكل فتاه يدعوها للبحث عن زوج المستقبل بالحلال .

* تدني الرواتب لأغلب الشباب يعني بصراحه شبابنا الحين يا عاطل يا وظيفه بـ 1500 الى 2500 يعني بالعربي اذا تقدم وخطب راح ينطرد :D <--- هذي مبالغه لكن فعلاً اذا كان هذا راتبه فمتى راح يجمع المهر والا الأثاث والا لوازم الزواج وغالبيتكم تعرف مصاريف الزواج لكن اذا البنت مقتنعه بالرجل راح تعيش معاه لو في غرفه وحده بمنافعها وبكذا يكون سبب ان هي الي تتقدم للولد.

هذي ثلاث اسباب اتوقع انها اسباب حقيقه تكون دافع للبنت ان تكون هي التي تبحث عن الزوج وليس العكس صدقوني يا جماعه شبابنا يبون يكملون نص دينهم لكن الظروف الماديه دائماً تكون هي السبب الأول في عدم اتخاذ قرار الزواج .


واخيراً وليس اخراً اسمح لي اخي فتى الشرقيه ان اسمع رائيك في ختام هذا الموضوع الجاد

ودمتم

الحيران

[أيام السعد]

يمكن احترام للرجوله اللي انا فيها اني ما اقبل بهذه الطريقه الغريبه



ويمكن تقديراً مني على موقف هذه البنت وعلى حبها و جرائتها اني اقبل بالعرض رغم انه غريب



اللي ابي اقوله ان الموضوع صعبه التوقع فيه الا اذا حصل لان راح يترتب عليه شغلات كثيره



يعني بكل اختصار لكل حدث حديث




موضوع جيد للنقاش يستاهل كاتبه الشكر عليه


اخوي فتى الشرقيه الله يعطيك الف عافيه على الموضوع الرائع وعساك على القووووه




اخوكم ايام السعد

[التورنيدو]

موضوع ممتاز وشيق بنفس الوقت

طبعا كل شخص له وجهة نظر

انا من ناحيتي اقول شي غلط لو

البنت تقدمت للرجل او تطلب منه زواج

سواء بحب او لدافع ثاني

مهما كان يغليها بتكون صغيره بعينه

ولو في يوم من الايام صار بينهم خلاف

يقدر يقول بكل برود انتي اللي عرضتي نفسك

علي انا ما جيتك وضربتك على ايدك :confused:

لازم الواحد يتجنب المشاكل

ويقولون ابعد عن الشر وغنيلوووه:D

وانا ارفض هذا المبدأ من الاساس

بغض النظر عن العادات والتقاليد اللي هم اهم شي.

مشكور اخوي فتي الشرقيه

على الموضوع والي الأمام :)

يعطيك العافيه.

[بوايوووه]

مشكور اخوي فتى الشرقيه على الموضوع وانا با النسبه لي حقيقه اذا انا شفت ان البنت راعيه خلق ودين واكون انا احبها فهذا الشي طبيعي مافيه اي حاجه الحب يكون من طرفين اما اللي يقول عادات وتقاليد هذا قديم ومتحجر اعتبره احنا في عصر غير اللي عاشوة اجدادنا

[حزن]

<===ادري ان مالي مكان بينكم بس داخله اقول كلمه واطلع
احس انه من العيب انها تعرض البنت نفسها على الرجل فبطبيعة الحال وبطبيعة الخلقه ان المراة كائن حساس وحيوي
اذن فكيف تذهب لرجل بطريقه غير مباشره وتطلب منه الخطوبه
انا لااعتقد ابدا ان هناك من ستعرض نفسها للبيع والشراء<===اعرف انكم ستقولون متحجره
ولكن
دعونا نفكر قليل في المستقبل نعم تزوجتك وانا من عرضت نفسي عليك في اي مشكله صغيره سيقولها دون الاهتمام بمشاعري
<===انتي من عرضتي نفسك علي لاتنسي:rolleyes:
وهنا اين ستاظع وجهها
الحياه لن تستمر سعاده
لا بل يجب ان تكون هناك عثرات في الزواج مهما يكون فهناك اليوم الابيض والاسود
سلمتم;)

[معراك]

مشكور اخي فتى الشرقيه على الموضوع الحلو لكن باقولها لك

بختصار بنت الاحرار والبنت الشريفه متنزل راس اهلها فتراب

بالعكس ترفع راس اهلاها وانها تبوح بحبها هذا ماهو عيب انما جريمه

فحق اهلها ونفسها ودمت

[الحوت]

مشكور اخوي على هذا الموضوع
لاكن انا عن نفسي اذا كانت مدرسه باخذها
;) ;) ;)

[Super Star]

هلا وغلا


مشكور فتى الشرقيه على طرحك لموضوع خطير وحساس

بصراحة انا ماراح اقبل بالفتاة ولو كانت قمر زمانها والا بنت اكبر تجار البلد

عزيزي فيه طريقة ثانية تخطب فيها البنت الشاب وذالك عن طريق طرف ثالث سواء كان الطرف الثالث رجل او امراة يعني تفهمه الفتاة بطريقتها رغبتها بالزواج من ذلك الشاب فيذهب هذا الرجل او تلك الماراة لذلك الشاب وبطريقة غير مباشره يلمحون له بوجود بنت اسمها ....وتسكن في ......ويمدحون مواصفاتها ويحثونه على الزواج بها بدون ان يخبروه انها هي التي وصتهم


عموما افضل ان اكون انا من يطلب يد الفتاة وافضل ايضا ان تساعدني هي في المهر وسلامتكم

[الجارح]

هلا اخواني واسمحوا لي اني اشارك في الموضوع

ماالمانع من البنت ان تتقدم الم تسمعوا

بأن هنالك صحابي عرض ابنته للزواج اتعرفون من؟

انه امير المؤمنين عمر بن الخطاب عنمدما عرض ابنته للأبو بكر رضي الله عنهم ورده

عرضها على عثمان بن عفان ورده

اتعلمون لماذا ردوها ؟

ليس عيب ولاخافوا من كلام الناس لا

بل ردوها لانهم يعلمون ان النبي صلى الله عليه وسلم يريدها فلذلك السبب ردوها

وبعد ذلك عرف عمر بعدما عرضها عليما ان الرسول صلى الله عليه وسلم يريدها

واسمحولي على الاطاله
,وتسلم اخي على هذا الموضوع

[الفودري]

السلام عليكم..
اوافق وما المانع ..
تحاتي

[شمس المعارف]

لحظة انت تقول عرضت نفسها للزواج .. كيف؟

يعني متعارفين على بعض وبيننا عيش وملح.. شوي قالتلي ابيك تتزوجني؟؟
ولا قرايب ونحب بعض وقالتلي ابيك تتزوجني؟

المهم فيه حب ؟؟ والله لاتزوجها!!**23**

[الـعـطـيـب]

][][§¤°^°¤§][][][®][^][®][السلام عليكم السؤال الان كيف تتعرف البنت على الشاب ويعجبها وتوصله اعجابها وتطلبه للزواج زي ماتقول او تحسسه بمشاعرها على الاقل الا اذا كانت خارج نطاق الشرع والعرف وهذا مالا يرضاه احد لاخته او بنته هذا راااايي الشخصي وفالكم طيب ][®][^][®][][][§¤°^°¤§][][

[طيف عابر]

مشكور فتى الشرقيه على طرح الموضوع
وتبي راي

صراحه هي صعبه على كرامة المراه اذا تقدمت هي بالطلب
لان المتعودين عليه ان الرجل هو الي يبدا وهو الممسك بزمام الا مور

وصراحه بعد ان بنات ها لا يام يسوون اي شي
لا صار في العقل ولا الخيال

الله يرحم حريمنا اول وش كان الحياء مغطيهن

وانا ما اييد ان المراه تطلب هالطلب الا اذا كان الرجال سوري على اللفظ ( دلخ ) ومو فاهم الي يصير
هنا دور المراه يظهر ما اذا كانت تبي تسوي الشي الزين والراي السديد الي يحفظ لهذا الرجل حقه في الحياه
وتكون هي سند له وتعينه على عقله

واعذروني على صراحتي

طيف عابر

[بقايا انسانة]

بصراحة بصراحة

ابي اقول للي قالو ان البنت بتوطي راسها وراس اهلها اذا راحت وخطبت واحد
واللي قالو عيب
والي والي

بقولكم مثال بسيط
السيدة خديجة
زوجة الرسول علية افضل الصلاة والسلام
هي الي خطبت الرسول
وهذي ام المؤمنين وقدوة لنا
ليش الرسول ماقال عيب ولا ذلت نفسها
بالعكس انا اشوف انه البنت تجي وتصرح لك بحبها وتخطبك هذا دليل على انها شاريتك
وسوت شي كبير عشانك والله المفروض تتمسك فيها بيدينك واسنانك
يعني شوف مثل ماقلتو انتو شي غريب ومستبعدين انه يحصل
يعني هي سوت هالشي منو عشانه عشانك انت
يعني من حبها لك مستعدة تسوي لك اي شي
بس وين اللي يقدر الحب في هالزمن
مع انه مافي حب صادق الا نادر ولو لقيتوه ماراح تقدرونه
لاحول ولاقوة الا بالله العلي العظيم

قهرررررر

واسفة على الازعاج واتمنى محد يزعل