خبر للبنات بس

[تحدوها البشر]

السلام عليكم ورحمة الله وبركاته
مساء الخير

بناااااااااااات الحقو الان في دورات بالمعاااهد الكبيرة بالتعاون مع وزارة العمل والمؤسسة العامة للتعليم الفني والتدريب المهني في مبيعات التجزئة - ومحاسبة مبيعات(كاشير) -وادارة اعمال(استقبال) لمدة شهر (الدراسة مجانا والمواصلات مجانا)
اتصلو على كل المعاهد الي تعرفوها وتكون معروفة ومشهورة بمنطقتكم
انا بالصدفة وبالغلط سامعة انه في شي بيصير مجاني بس وين وايش الموضوع مادري الين اليوم طلعت ورحت معهد بصدفة ولا هو ماكان وجهتي اصلا رغم انه بعيد عن البيت مررررررة لاكن على طريقي مريت عليه وسألت قالو باقي دورة محاسبة مبيعات وادارة اعمال نشوف لك وين مكان شاغر ونضيفك فيه
يعني يابنات اغلب المعاهد مهما بدأ التسجيل فيها وقالو لكم انتهت لاتقفلو الموضوع لا اسألو معاهد ثانية وين الشواغر فيها لانه بعض البنات ينقلو من المعاهد البعيدة ويروحو لمعاهد قريبة منهم فيكون في مكان شاغر فيكون من نصيبك انتي او نصيب اي واحدة تعرفيها
وسألت بمعهد ثاني معروف برضه قالو لازم يوم تروحي تجيبي الشهادة الاصل وصور منها وصورة كرت العيلة او بطاقة الاحوال بس انصحكم يابنات قبل لاتروحو جيبو الدليل او اتصلو على الاستعلامات بهدلوهم خدو كل ارقام المعاهد الكبيرة الي موجودة بمنطقتكم واتصلو عليهم قبل ماتروحو والي فاضية وماعندها مشكلة تروح لهم ولاتنسى تشيل اوراقها
يابنات والله اني ماعرفت الخبر الا اليوم وجيتو على بالي الحقو لانه ممكن في اي وقت ينتهي التسجيل ومايصير في مقاعد شاغرة
وتأكدو الي لها نصيب بتأخذه
بالمناسبة المعهد الي بأدرس فيه يوم سألتهم فيها توظيف او لا قالت ماعندنا خبر وقالت لي لا وماعطتني تفاصيل مادري ليش؟!!
لاكن المعهد الثاني اعطوني التفاصيل كااملة قالت لي فيها توظيف والمفاضلة بين البنات تكون حسب انظباط البنت وانه لو الواحدة اتأخرت شوية لو يمكن كم دقيقة يحسب لها تأخير ساعة يعني الانظباط مهم في اولوية التوظيف وقالت لي فيها مكافأة مادري صادقين ولالا؟
بالمناسبة يوقعوكم على ورق انكم مانتو متوظفات ولا تدرسو وان طلع الي قلتوه غير كدة راح تدفعو غرامة مالية ؟!!
عموما انا بأخوض التجربة هذه معاهم لعل وعسى نطلع بوظيفة على يدهم
وان الله ماكتب لنا بوظيفة فورية معاهم
<<<<<طموحاتها واسعة ال وظيفة فورية ال
حتى ان ماتوظفنا لاسمح الله على الاقل نكون درسنا حاجة ونضيف شهادتها بالسي في يمكن تنفعنا
بنات اي واحدةاخذت دورات مجانية بأي منطقة و تابع لوزارة العمل ومركز التدريب المهني تقولنا ايش استفادت منهم وايش انطباعها عن الدورات الي اخذتها منهم
أماااااااااااانة يابنات انكم ماتنسوني بدعواتكم محتاجتها مرة مرة والله يعلم قد ايش محتاجة دعواتكم بالتوفيق وانه الله يعدي الدراسة هذه على خير