شاب كنت او شابه - شنو رايك بالزواج المبكر ؟ اي عمر للزواج تفضلون !؟!

[عاشق قلبها]

السلام عليكم


كلنا نشوف و نسمع عن اللي يصير بينا وحوالينا من مشاكل الشباب و البنات
كلنا نسمع عن الحب العذري اللي صار هالايام غطاء للتخطيطات اللي يخطط لها الشاب او الذئب الجائع لإلتهام لحم تلك الفتاه

برايكم الزواج المبكر حل لمثل هذي الأمور !!؟

انت كشاب متى تفكر بالزواج ؟
لمن توصل العمر الفلاني او لمن تشبع رغباتك في الحياه ؟ او بعد ما تجمع المبلغ اللي يأهلك للزواج و اللي تقدر تأسس فيه حياتك ؟؟؟


انتي كشابه : تقبلين بزوج على قد حاله ؟ تتزوجين وانتي بعمر صغير و تتحملين مسؤليه عائله صغيره عمرها بقد عمرك او يمكن اصغر ؟


هذي مقدمه حبيت اكتبها لموضوعي هذا اللي احب اخذ رايكم فيه و ياليت نبدأ النقاش فيه



الكاتب : ريان

«®°·.¸.•°°·.¸¸.•°°·.¸.•°®»ريان«®°·.¸.•°°·.¸¸.•°°·. ¸.•°®»

[بسومة]

في البداية احب اشكرك ريان على الموضوع ..


رايي ..


الزواج مثل ما الكل عارف ستروغطى للبنت وحفظ للشاب من الفاحشة والاثم ..

بالنسبة للزواج المبكر اظن انه زين ومو زين ..

زين بالنسبة للبنت اللي متعودة انها تكون قد السؤولية لحالها دائما لانها بتنتقل لحياة كاملة هي

اللي بتديرها وتاسسها وبتربيها.

وطبعا هذا كله يكون برضاها مو غصب عنها مثل اللي قاعد يصير هالايام ..

بالنسبة للولد طبعا شئ اساسي انه يكون شاب محافظ قادر على تكوين اسرة وتدبير امورها ..

هذا رايي واتمنى تتقبلونه ..

تقبلو تحياتي .

[عاشق قلبها]

يا هلا فيج بسومه شرفتي و نورتي

بالنسبه لي انا اشوف ان الولد اذا هو قادر انه يكون بيت او على الاقل يشيل مسؤوليه زوجته و ولده لو ربي ارزقه حلو انه يتزوج
يمكن في ناس تكبر الموضوع يقولج انا ما عندي اتزوج وماعندي لمصاريف البيت ومدري شنو و هو بالاصل كذا او كذا راح يسكن مع اهله خصوصا اللي ياخذون من اقاربهم

اما للبنت فزي ما قلتي بسومه لازمها تكون عارفه معنى الزواج و الارتباط
واحترام الزوج للزوجه و العكس لازم يكون هالشئ معروف للطرفين ومقدر بينهم



بالنسبه للحوافز او شنو الواحد ينطر انا اشوف خلو فكره ان ابي اتزوج بعمر 28 ومدري شنو و تزوجت واستر على روحك من أول ما تشوف نفسك قادر على تحمل المسؤوليه لن عمر العمر ما كان هو سبب تفوقك او سبب لأحترام النفس للنفس

[MAXIMA_818]

بيني وبينك

الستر يكون من توفيق الله ماهو من الزواج


بالعكس

بعد الزواج يمكن تزيد الأمور أكثر, بحيث أن الشابة ينفتح لها أبواب كثيرة ويمكن أن تستغلها إستغلال خاطيء.


من وجهه نظري الزواج المبكر لايؤثر, وإذا أثر فهو سلاح ذو حدين, ستر للمتزوجين, بحيث يستقرون ويبتعدون عن جو المراهقه وتكون لهم أهداف للمستقبل.

وقد يكون مفتاح لطريق جديد وهو المراهقة المتأخرة, فبعد الزواج ينفتح عقل الشخص على أمور جديدة, ويحاول الحصول عليها بأي طريقة ولو بالحرام.

[عاشق قلبها]

بيني وبينك

الستر يكون من توفيق الله ماهو من الزواج


بالعكس

بعد الزواج يمكن تزيد الأمور أكثر, بحيث أن الشابة ينفتح لها أبواب كثيرة ويمكن أن تستغلها إستغلال خاطيء.


من وجهه نظري الزواج المبكر لايؤثر, وإذا أثر فهو سلاح ذو حدين, ستر للمتزوجين, بحيث يستقرون ويبتعدون عن جو المراهقه وتكون لهم أهداف للمستقبل.

وقد يكون مفتاح لطريق جديد وهو المراهقة المتأخرة, فبعد الزواج ينفتح عقل الشخص على أمور جديدة, ويحاول الحصول عليها بأي طريقة ولو بالحرام.


رأي و وجه نظر نحترمها لك اخوي مكسيما

بس انا بصراحه ما اوفقك الراي في شئ انت حبيت تلمح له ان البنت تنفتح لها ابواب كثيره و تستخدمها خطئ انت قصدك انها تنحرف و تاخذ راحتها لن ما في شئ يبي يظهر عليها

اخوي هالشئ يرجع لك انت في الاول و الاخر شوف منو البنت اللي مرتبط فيها و شنو تربيتها و اخلاقها

البنت اللي متربيه على دين وطاعه صدقني عمرها ما تفكر في شئ من اللي قلته
انا معاك في اللي قلته و ادري انه موجود كثير و في كل مكان و ينتشر بمكان اكثر من الثاني بسبب انشغال الزوج في عمله والدوامات
بس الثقه بين الزوجين و الاخلاص و الغيره واهم شئ الوازع الديني هو اللي يحفظ الاثنين


يمكن الزواج المبكر ما يكون حل لكل المشكلات انا معاك بس انه يكون سبب في شغلات من هذي انا اقول انه يرجع على انتقائ الزوج للزوجه واذا كان بينهم شئ من قبل او لا


ترقب اخوي موضوع بكتبه قريب بس انطر ان يصرحون لي فيه لن بيكون جريئ شوي في موضوع النقاشات الجاده

مشكور على تواجدك و حمدالله على سلامتك يوم ان وصلت منالعمره



ريان

[للـ أحساس ــحزن]

مدري الزواج بسن مبكر <<< مايمدحونه

انا وحده من رفيجاتي متزوجه وعمرها 17 سنه والحين مطلقه ماكملت سنه

بس اذا كان يسد فجوه من مشاعر البنت او الولد يمكن
بعدين صراحه احس الولد او البنت بس صغير مستحيل يعيشون

لان البنت قبل لاتوصل 20

تكون مشاعرها مو ثابته ويمكن يصيب علاقة الزواج نوع من الملل

وبنسبه لصبي يمكن مايكون اخذ حقه من الهياته والنت << فتلقاه يراهق علي كبر

انا كنت احسب الزواج بعمر صغير حلو انك تصيرين مدلله اكثر بنسبه لزوجك
بس الزواج مو بس اسم زواج اهو مسؤليه
وبعدين اذا صار بينهم ياهل بتكبر المسؤليه

وعاجل او اجلن اذا تزوجو صغار راح يحسون بالملل
وبعدين كل عمر وله اهتماماته شحقه نتبق الاحداث
والي يبي يصعد الدرج يصعد درجه درجه
مو ينط لاخر الدرج بدون الي قبلها

ريان بنسبه لعلاقة البنت والولد وان الزواج راح يمنع مثل هاذي العلاقات
ماضن لانو كثير يسون علاقات واهم متزوجين

بعدين يكبر يعقل <<< مادري
علي العموم يسلموووووووووووووو

[أسمر ودبدوب]

انابصراحه عرفت انت راي عاشق بس يعني الزوج يبي له مصاريف وتاسيس وكذا
وشكر على الموضوع المتميز

[عاشق قلبها]

انابصراحه عرفت انت راي عاشق بس يعني الزوج يبي له مصاريف وتاسيس وكذا
وشكر على الموضوع المتميز

مع ان ما فهمت شئ :) بس حياك الله اخوي اسمر في الموضوع

وبالنسبه للتأسيس اللي تكلمت عنه احنا قلنا اذا توافرت عند الشاب كل المؤهلات اللي تقدره للزواج من بدري تشوف حلو انه يقدم على الزواج ؟!؟! او لا ؟!؟!




ومشكور اسمر مره ثانيه