التورنيدو
13-09-2003, 04:34 AM
هاهو عربيد يعود إليكم من جديد ... أعتذر عن الإنقطاع .. والظاهر إني وحشتكم
<-- وربي مادروا عنك هههههههههههه
--------------------------------------
أنتم تعرفون إن الصيفيه هذي صارت أشياء غريبه شوي ... لكن ما أحد يعرف وش الأسباب ... من الأشياء الغريبة إرتفاع درجة الحراره في لندن ... إرتفاع درجة الحرارة في باريس و بسببها فطسوا الآف العجائز والشواكيش ... و إحتراق برج إيفل ... و الفيضانات في جازان .. احتراق قصر الأفراح إللي أعرست فيه ... سقوط الفتحه إللي في برج المملكه ... طيحت أمي من الدرج ... إنفجار سيارة أخوي الكبير عزوز ... كل هذه الأحداث مرت علي بدون ما ألقى لها تفسير ... بس في النهاية عرفت السبب ... و إذا عرف السبب بطل العجب ... و هالحين أنا بأقول لكم السالفه من طقطق إلى سلام عليكم ...
في صبيحة ذاك اليوم المشئوم حلمت إني غرقان و بغيت أموت ... و أكتشفت إن أميمتي ألله يخليها لي و يحفظها جادعتني في البانيو عشان اقوم من النوم << حركات الإتيكيت الجديده ... و أنا اللي افز من البانيو و أصايح تراه صويلح إللي منقز سيارة سلوم .. والله مهوب أنا ... و أميمتي تطالعني وتسمي علي ... يوم شفت الدعوه إنها بانيو ... قلت خير عسى ماشر ياميمتي .. فيه شي ... قالت ساعه و انا أصحي فيك ... قم يالله بيذن المغرب .. إلبس نبي نروح نخطب لك حصيصه بنت نويصر جارنا ... كلمت أمها و وافقت .. تقول بسرعه تعالوا المغرب ... قبل لايسبقكم أحد ويخطبها قبلكم ... << ياحليل العجز على نياتهم هههههه
لبست ثوبي و حطيت شماغي على كتفي و العقال فوق الراس .. نزلت لصاله عند أبوي وقلت له هاه يابو عزوز ... بتروح معنا لجارنا نويصر عشان نخطب بنته .. قال تخسي أروح معك .. نعنبو بليسك سنتين و انحن نخطب لك ... و ما فيه مره وحده طلعنا سالمين ... إللي يطردنا ... و إللي يصك الباب في وجيهنا ... وإللي يقول غلطانين في البيت ... تبي تفشلني مع جارنا نويصر .. إلا إذلف أنت و أمك .. وخلك تتهزء بروحك .. أنا مالي دخل ... قلت له بصراحه أنا ما أشوف فيني عيب .. و ما أمداني أكمل جملتي المفيده إلا والزبيريه متعلقه في العقال ...
رحت أنا و الوالده و دخلنا بيت خالي نويصر << هالحين صار خالك يالهيس ... جلست في المجلس مع خالي نويصر .. وصار يسألني عن وضعي في البيت و في العمل ... طبعاً أنا قلت له إني شاب عاقل و متزن .. و لا أتتن ... و شغال في مكتب وزير المياه و الكهرباء << ما أبي أقوله إني قهوجي عنده ... عشان ما يخرب البريستيج حقي ههههههههه ... و في خضم هذه الأحداث إلا يدخل علينا واحد(ن) أعرج و شعره فلافل .. وجايب معه علبة ببسي دايت وعطاه خالي نويصر وجحدني ... و جلس شوي وهو مطمن راسه و مستحي ... قلت لخالي نويصر ماشاء الله هذا ولدك الدحمي ... قال وهو يضحك .. الله يقطع بليسك .. أنت ما تخلي عنك المراجه أبد .. هذي حصيصه خطيبتك .. وهي اللي تطق ذيك الضحكه بسببها طاح ضاطورين من السقف (جتهم سكته قلبيه) .. و تطلع من المجلس وهي عاضة ثوبها .. متسارعة الخطى .. تبتسم وعليها علامات الخجل ... و أنا اللي أشهق و تطلع عيوني .. و بديت في وضع الأستعداد للهجه .. و ما حسيت إلى بالحديد في رجلي .. اثر خالي الهيس مكلبشني ... قلت له تراني أتتن .. قال ما عليه أهم شي الرجال و أنت رجال .. قلت له تراني اشرب وأسكر كل يوم .. دنق خالي و طلع من تحت الكنب بطلين و وصاروخين وبودرة هروين .. قال منتب طالع(ن) مثلي أبد ... قلت له تراني أشتغل قهوجي ... قال أهم شي إنك تشتغل .. قلت له تراهم فصلوني بكره << ما يعرف يصرف أبد .. قال أنا بعطيك كل شهر 2000 ريال راتب وش تبي بعد .. قلت له ترى ما معي فلوس للمهر و الذهب .. قال و من طلب منك مهر أو ذهب .. قلت له ترى أبي الزواج في قصر أفراح و أول ليله أبيها في برج المملكه .. و نبي شهر العسل في لندن و باريس ... قال طلباتك أوامر وراح استاجر لكم شقه .. وش تبي بعد ... ترانا نشتري الرجال ...
عشان كذا أنا عرفت ليه أمها على طول وافقت .. وقالت لميمتي تعالوا بسرعه قبل لا يخطبها أحد قبلكم ... يبون الفكه منها ... وأنا الضحيه ...
جا يوم الزواج ... و دخلت عليها في غرفة العرايس اللي بالقصر ... ولقيتهم مربطين عيونها .. قلت وراكم مربطين عيونها خايفين إنها تهج ... قالت امها لا ياوليدي بس تعرف نبي نسوي لها مفاجأه ... تدرون إن أقصى احلامها إنها تطلع من البيت .. من كان عمرها ست سنين ما طلعت من البيت .. وصاروا مربطين عيونها من كانوا في البيت إللين وصلوا للقصر ... أنا ما أهتميت للوضع .. قالوا لي فك الربطه عن عيونها ... أنا أعرف أن المعرس يرفع التشريعه عن حرمته مهوب يفك الربطه عن عيونها ... بلعتها وقلت يمكن هذي هي الموضه .. المهم قلت أنا بأجلس لحالي .. خذوا بنتكم زفوها ... قالت امها لا والله .. بنتي ما تنزف ... قلت أقول تزفونها و إلا والله ثم والله لأطلقها هالحين ... قالت امها ما يصير خاطرك إلا طيب ... نزفها و الشكوى لله ... المهم يوم بدوا يزفونها و أناجالس في الغرفه لحالي مولع الزقاره .. و أسمع شريط الزفه حق محمد عبده .. إلا فجأه الشريط و قف ... و بدى القصر يهتز و ما تسمع إلا الحريم يصايحون و أنا إللي أطل عليهم .. إلا أشوف قسم الحريم شاب نار ... و أنا اللي أعض ثوبي وأهج للسياره .. وما أمداني أركب السياره إلا حصيصه الله ياخذها تطق القزازه .. وتقول افتح باب السياره يابن الـ ... بصراحه أنا خفت و فتحت باب السياره .. وعلى طول رحت للفندق إللي في برج المملكه عشان أنام كوده يطلع حلم ... وأنا في الطريق مغير ساكت و أسمع للرادو ... جيت بأقصر عليه .. إلا الرادوا طافي .. وصارت حصيصه هي اللي تسولف و أنا احسبه الرادو ... يوم وصلنا لبرج المملكه وهي اللي تطالع في الفتحه حقت البرج و قالت نعنبوهم وشلون سووها .. تقول تسنها عقود ألماس مع هالأنوار إللي فيها .. و ما أمداني ألبق السياره إلا و الفتحه حقت البرج صافطه في الموقف اللي جمبي ... قلت وش هالحظ عندي .. قصر الزواج يحترق ... برج المملكه تطيح الفتحه حقته ... الله يستر من اللي جاي ...
و الله و أدز بها للمطار قلت خلوني بس أروح أسافر شهر العسل .. و الله و تطير الطياره .. ويوم وصلنا نصف المسافه .. إلا الطياره بدت تفتف و ترج ... و القبطان يقول لنا تراها مطبات هوائيه .. (قال مطبات هوائية قال) ... وصلنا لباريس بعد ما بغت تطلع روحنا .. و أول ما وصلت قلت خلنا نروح لبرج إيفل (سعوديين ما نعرف إلا هالبرج) .. كان الجو بديع والأرض خضار ... و ما تشوف إلا هالعجز مع الشواكيش طاقه اعمارهم التسعين وجالسين يهرولون ... وحصيصه جالسه تطالع شوي إلا تاكلهم بعيونها .. قالت هالحين هم جوهم دايم كذا .. قلت ايه دايم كذا .. قالت وعجزهم ما يموتون إذا كبروا ... قلت لها ما تشوفينهم يتمرنون كل يوم .. شوفي ما شاء الله على صحتهم كيف .. احسن مني و منك .. فجأه ما تسمع إلا ذيك التنهيده أقرب مالها تكون شهقه ... قلت لها تعالي بس نروح للفندق و بكره نروح لبرج إيفل ... المهم إني دخلت ونمت و ما قمت إلا الصبح ... قمت من الحر و حصيصه نايمة وفاقة اثمها ولا همها .. قمت رحت للدريشه أبي أفتحها و الله وأشوف العالم طالعين مفاصيخ في الشوارع ... الحر ذبحهم .. درجة الحراره وصلت 39 أول مره تصير في فرنسا .. والله وأقوم السكنية اللي معي .. قلت لها قومي شوفي وش إللي صاير ... قامت من الشفاحه إللي فيها وهي اللي تطل و تشوف هالعالم مفاصيخ ... وهي اللي تشوف برج ايفل من الدريشه .. قالت حبيبي وش ذاك الأسود ... قلت لها هذا برج ايفل .. قالت هذا اللي صاجينا فيه .. قلت لها هذا له أكثر من ميتين سنه مبني .. قال ميتين سنه وكنه مبني من سنه .. ما أمداها تكمل جملتها إلا دخنه طالعه .. على طول أنا طالعتها .. وبديت أسرد الأحداث والمصايب إللي صارت .. و أربط بعضها ببعض .. بس قلت يمكن تكون صدفه ...
الحر ذبحنا في فرنسا .. قلت ما لك إلا لندن .. والله ويوم نزلت الطياره في المطار .. وغلطتي إني حطيتها عند الدريشه .. وهي اللي تشوف المدرج كلها خضار وعشب .. قالت ياحضهم والله ودك ترعى عندهم من الطبيعه .. و أنا اللي على طول عيني على مقياس الحراره إللي في الطياره ... و ترتفع درجة الحراره من 20 درجه إلى 35 طقه وحده .. هنا عرفت إن حصيصه نضوله وراعيت عين ... عرفت هالحين ليش أبوها يتاجر في المخدرات .. كل هذا عشان يمسكونه ويعدمونه و يفتك .. والله وأربط الحزام .. قلت و الله ما أنزل إلا في السعوديه .. ما أبي مصايب ثانية .. جاني الكابتن حق الطياره .. وقال وراك ماتنزل هاحين .. قلت والله ما أنزل إلى في السعودية .. قال يابن الحلال الرحله الجاية بتكون متوجهه لجازان ... قلت وجازان وينها فيه .. مهيب في السعوديه .. قال إلا في السعودية .. قلت له خلاص أبروح لجازان ... قل بكيفك ...
أقلعت الطياره .. و نزلنا في جازان .. وحطيت حصيصه في عريش عشان اسوي حجز للرياض .. و الحمد لله لقيت رحله بعد ساعه ... وعلى طول حجزت عليها .. ورحت لحصيصه وقلت لها يالله نبي نمشي للرياض .. و أتصلت على اخوي عشان يستقبلنا ... المهم وحنا في المطار وقبل لا تقلع الطياره بدقايق .. وأشوف ذيك الغيمه السوداء جايه .. وألتفت على حصيصه .. قلت وش إنك مسويه .. هالغيمه ماجت لحالها .. قالت و الله إني ما سويت شي .. أقلعت الطياره .. ووصلنا للرياض ... استقبلنا أخوي ... وحنا في الطريق للسياره .. قال لي أخوي بارك لي شريت كامري جديده .. قلت والله .. من جدك تتكلم .. قال إي والله .. قلت له خلاص أنا بأروح في ليموزين .. قال و الله ما تروح في ليموزين و أنا موجود .. قلت ياخوي ما نبي نخسر بعضنا .. خلني أروح في ليموزين .. قال تروح في ليموزين و السياره شفها قدامك ... هو قال قدامك و إلا ما قالها ... و أنا على طول التفت على حصيصه .. إلا عيونها شاقصه .. و ما تسمع إلا ذيك الزفرات طالعه من حلقها .. الله يقطع حلقها .. على طول ألتفت على اخوي وقلت له .. الله يعوضك ياخوي .. قال يعوضني بأيش .. قلت سيارتك ... وهو اللي يلتفت على السياره إلا هي شابه .. وهو اللي يزاعق .. وأنا طايح(ن) فرش في حصيصه .. و أنا أللي أركب ليموزين و أحط حصيصه في الشنطه ... وصلنا بيت اهلي .. رحت سلمت على الوالد و الوالده ... و حصيصه ساكته ... المهم أمي راحت تجيب غرض من غرفتها ... يوم نطقت حصيصه ... قالت خالتي تسنك بنت في العشرين .. ترقين الدرج من دون ما تتمسكين في الدربزين ... و تجيك اميمتي من الدور الثاني مجاوبه ... وأنا إللي امسك حصيصه من قذلتها وساحبها في الشارع لبيت أهلها ... و أنطلها عليهم ... و أروح أتدين لي سيارتين بـ 150 الف و أعطي ابوها الدراهم مع ورقة الطلاق ... وكاتب ورى الورقه ترى بنتكم بكر ...
نستفيد من الحتسي هذا كله .. إنه إذا بغيت تعرس و قال لك خالك أبو المدام .. اهم شي الرجال .. أو .. أحنا نشتري الرجال .. فحط رجلك .. لأن ما سيحدث بعد ذلك سيكون اما كوارث أو موت ...
................
واصلني عبر الايميل.**13**
<-- وربي مادروا عنك هههههههههههه
--------------------------------------
أنتم تعرفون إن الصيفيه هذي صارت أشياء غريبه شوي ... لكن ما أحد يعرف وش الأسباب ... من الأشياء الغريبة إرتفاع درجة الحراره في لندن ... إرتفاع درجة الحرارة في باريس و بسببها فطسوا الآف العجائز والشواكيش ... و إحتراق برج إيفل ... و الفيضانات في جازان .. احتراق قصر الأفراح إللي أعرست فيه ... سقوط الفتحه إللي في برج المملكه ... طيحت أمي من الدرج ... إنفجار سيارة أخوي الكبير عزوز ... كل هذه الأحداث مرت علي بدون ما ألقى لها تفسير ... بس في النهاية عرفت السبب ... و إذا عرف السبب بطل العجب ... و هالحين أنا بأقول لكم السالفه من طقطق إلى سلام عليكم ...
في صبيحة ذاك اليوم المشئوم حلمت إني غرقان و بغيت أموت ... و أكتشفت إن أميمتي ألله يخليها لي و يحفظها جادعتني في البانيو عشان اقوم من النوم << حركات الإتيكيت الجديده ... و أنا اللي افز من البانيو و أصايح تراه صويلح إللي منقز سيارة سلوم .. والله مهوب أنا ... و أميمتي تطالعني وتسمي علي ... يوم شفت الدعوه إنها بانيو ... قلت خير عسى ماشر ياميمتي .. فيه شي ... قالت ساعه و انا أصحي فيك ... قم يالله بيذن المغرب .. إلبس نبي نروح نخطب لك حصيصه بنت نويصر جارنا ... كلمت أمها و وافقت .. تقول بسرعه تعالوا المغرب ... قبل لايسبقكم أحد ويخطبها قبلكم ... << ياحليل العجز على نياتهم هههههه
لبست ثوبي و حطيت شماغي على كتفي و العقال فوق الراس .. نزلت لصاله عند أبوي وقلت له هاه يابو عزوز ... بتروح معنا لجارنا نويصر عشان نخطب بنته .. قال تخسي أروح معك .. نعنبو بليسك سنتين و انحن نخطب لك ... و ما فيه مره وحده طلعنا سالمين ... إللي يطردنا ... و إللي يصك الباب في وجيهنا ... وإللي يقول غلطانين في البيت ... تبي تفشلني مع جارنا نويصر .. إلا إذلف أنت و أمك .. وخلك تتهزء بروحك .. أنا مالي دخل ... قلت له بصراحه أنا ما أشوف فيني عيب .. و ما أمداني أكمل جملتي المفيده إلا والزبيريه متعلقه في العقال ...
رحت أنا و الوالده و دخلنا بيت خالي نويصر << هالحين صار خالك يالهيس ... جلست في المجلس مع خالي نويصر .. وصار يسألني عن وضعي في البيت و في العمل ... طبعاً أنا قلت له إني شاب عاقل و متزن .. و لا أتتن ... و شغال في مكتب وزير المياه و الكهرباء << ما أبي أقوله إني قهوجي عنده ... عشان ما يخرب البريستيج حقي ههههههههه ... و في خضم هذه الأحداث إلا يدخل علينا واحد(ن) أعرج و شعره فلافل .. وجايب معه علبة ببسي دايت وعطاه خالي نويصر وجحدني ... و جلس شوي وهو مطمن راسه و مستحي ... قلت لخالي نويصر ماشاء الله هذا ولدك الدحمي ... قال وهو يضحك .. الله يقطع بليسك .. أنت ما تخلي عنك المراجه أبد .. هذي حصيصه خطيبتك .. وهي اللي تطق ذيك الضحكه بسببها طاح ضاطورين من السقف (جتهم سكته قلبيه) .. و تطلع من المجلس وهي عاضة ثوبها .. متسارعة الخطى .. تبتسم وعليها علامات الخجل ... و أنا اللي أشهق و تطلع عيوني .. و بديت في وضع الأستعداد للهجه .. و ما حسيت إلى بالحديد في رجلي .. اثر خالي الهيس مكلبشني ... قلت له تراني أتتن .. قال ما عليه أهم شي الرجال و أنت رجال .. قلت له تراني اشرب وأسكر كل يوم .. دنق خالي و طلع من تحت الكنب بطلين و وصاروخين وبودرة هروين .. قال منتب طالع(ن) مثلي أبد ... قلت له تراني أشتغل قهوجي ... قال أهم شي إنك تشتغل .. قلت له تراهم فصلوني بكره << ما يعرف يصرف أبد .. قال أنا بعطيك كل شهر 2000 ريال راتب وش تبي بعد .. قلت له ترى ما معي فلوس للمهر و الذهب .. قال و من طلب منك مهر أو ذهب .. قلت له ترى أبي الزواج في قصر أفراح و أول ليله أبيها في برج المملكه .. و نبي شهر العسل في لندن و باريس ... قال طلباتك أوامر وراح استاجر لكم شقه .. وش تبي بعد ... ترانا نشتري الرجال ...
عشان كذا أنا عرفت ليه أمها على طول وافقت .. وقالت لميمتي تعالوا بسرعه قبل لا يخطبها أحد قبلكم ... يبون الفكه منها ... وأنا الضحيه ...
جا يوم الزواج ... و دخلت عليها في غرفة العرايس اللي بالقصر ... ولقيتهم مربطين عيونها .. قلت وراكم مربطين عيونها خايفين إنها تهج ... قالت امها لا ياوليدي بس تعرف نبي نسوي لها مفاجأه ... تدرون إن أقصى احلامها إنها تطلع من البيت .. من كان عمرها ست سنين ما طلعت من البيت .. وصاروا مربطين عيونها من كانوا في البيت إللين وصلوا للقصر ... أنا ما أهتميت للوضع .. قالوا لي فك الربطه عن عيونها ... أنا أعرف أن المعرس يرفع التشريعه عن حرمته مهوب يفك الربطه عن عيونها ... بلعتها وقلت يمكن هذي هي الموضه .. المهم قلت أنا بأجلس لحالي .. خذوا بنتكم زفوها ... قالت امها لا والله .. بنتي ما تنزف ... قلت أقول تزفونها و إلا والله ثم والله لأطلقها هالحين ... قالت امها ما يصير خاطرك إلا طيب ... نزفها و الشكوى لله ... المهم يوم بدوا يزفونها و أناجالس في الغرفه لحالي مولع الزقاره .. و أسمع شريط الزفه حق محمد عبده .. إلا فجأه الشريط و قف ... و بدى القصر يهتز و ما تسمع إلا الحريم يصايحون و أنا إللي أطل عليهم .. إلا أشوف قسم الحريم شاب نار ... و أنا اللي أعض ثوبي وأهج للسياره .. وما أمداني أركب السياره إلا حصيصه الله ياخذها تطق القزازه .. وتقول افتح باب السياره يابن الـ ... بصراحه أنا خفت و فتحت باب السياره .. وعلى طول رحت للفندق إللي في برج المملكه عشان أنام كوده يطلع حلم ... وأنا في الطريق مغير ساكت و أسمع للرادو ... جيت بأقصر عليه .. إلا الرادوا طافي .. وصارت حصيصه هي اللي تسولف و أنا احسبه الرادو ... يوم وصلنا لبرج المملكه وهي اللي تطالع في الفتحه حقت البرج و قالت نعنبوهم وشلون سووها .. تقول تسنها عقود ألماس مع هالأنوار إللي فيها .. و ما أمداني ألبق السياره إلا و الفتحه حقت البرج صافطه في الموقف اللي جمبي ... قلت وش هالحظ عندي .. قصر الزواج يحترق ... برج المملكه تطيح الفتحه حقته ... الله يستر من اللي جاي ...
و الله و أدز بها للمطار قلت خلوني بس أروح أسافر شهر العسل .. و الله و تطير الطياره .. ويوم وصلنا نصف المسافه .. إلا الطياره بدت تفتف و ترج ... و القبطان يقول لنا تراها مطبات هوائيه .. (قال مطبات هوائية قال) ... وصلنا لباريس بعد ما بغت تطلع روحنا .. و أول ما وصلت قلت خلنا نروح لبرج إيفل (سعوديين ما نعرف إلا هالبرج) .. كان الجو بديع والأرض خضار ... و ما تشوف إلا هالعجز مع الشواكيش طاقه اعمارهم التسعين وجالسين يهرولون ... وحصيصه جالسه تطالع شوي إلا تاكلهم بعيونها .. قالت هالحين هم جوهم دايم كذا .. قلت ايه دايم كذا .. قالت وعجزهم ما يموتون إذا كبروا ... قلت لها ما تشوفينهم يتمرنون كل يوم .. شوفي ما شاء الله على صحتهم كيف .. احسن مني و منك .. فجأه ما تسمع إلا ذيك التنهيده أقرب مالها تكون شهقه ... قلت لها تعالي بس نروح للفندق و بكره نروح لبرج إيفل ... المهم إني دخلت ونمت و ما قمت إلا الصبح ... قمت من الحر و حصيصه نايمة وفاقة اثمها ولا همها .. قمت رحت للدريشه أبي أفتحها و الله وأشوف العالم طالعين مفاصيخ في الشوارع ... الحر ذبحهم .. درجة الحراره وصلت 39 أول مره تصير في فرنسا .. والله وأقوم السكنية اللي معي .. قلت لها قومي شوفي وش إللي صاير ... قامت من الشفاحه إللي فيها وهي اللي تطل و تشوف هالعالم مفاصيخ ... وهي اللي تشوف برج ايفل من الدريشه .. قالت حبيبي وش ذاك الأسود ... قلت لها هذا برج ايفل .. قالت هذا اللي صاجينا فيه .. قلت لها هذا له أكثر من ميتين سنه مبني .. قال ميتين سنه وكنه مبني من سنه .. ما أمداها تكمل جملتها إلا دخنه طالعه .. على طول أنا طالعتها .. وبديت أسرد الأحداث والمصايب إللي صارت .. و أربط بعضها ببعض .. بس قلت يمكن تكون صدفه ...
الحر ذبحنا في فرنسا .. قلت ما لك إلا لندن .. والله ويوم نزلت الطياره في المطار .. وغلطتي إني حطيتها عند الدريشه .. وهي اللي تشوف المدرج كلها خضار وعشب .. قالت ياحضهم والله ودك ترعى عندهم من الطبيعه .. و أنا اللي على طول عيني على مقياس الحراره إللي في الطياره ... و ترتفع درجة الحراره من 20 درجه إلى 35 طقه وحده .. هنا عرفت إن حصيصه نضوله وراعيت عين ... عرفت هالحين ليش أبوها يتاجر في المخدرات .. كل هذا عشان يمسكونه ويعدمونه و يفتك .. والله وأربط الحزام .. قلت و الله ما أنزل إلا في السعوديه .. ما أبي مصايب ثانية .. جاني الكابتن حق الطياره .. وقال وراك ماتنزل هاحين .. قلت والله ما أنزل إلى في السعودية .. قال يابن الحلال الرحله الجاية بتكون متوجهه لجازان ... قلت وجازان وينها فيه .. مهيب في السعوديه .. قال إلا في السعودية .. قلت له خلاص أبروح لجازان ... قل بكيفك ...
أقلعت الطياره .. و نزلنا في جازان .. وحطيت حصيصه في عريش عشان اسوي حجز للرياض .. و الحمد لله لقيت رحله بعد ساعه ... وعلى طول حجزت عليها .. ورحت لحصيصه وقلت لها يالله نبي نمشي للرياض .. و أتصلت على اخوي عشان يستقبلنا ... المهم وحنا في المطار وقبل لا تقلع الطياره بدقايق .. وأشوف ذيك الغيمه السوداء جايه .. وألتفت على حصيصه .. قلت وش إنك مسويه .. هالغيمه ماجت لحالها .. قالت و الله إني ما سويت شي .. أقلعت الطياره .. ووصلنا للرياض ... استقبلنا أخوي ... وحنا في الطريق للسياره .. قال لي أخوي بارك لي شريت كامري جديده .. قلت والله .. من جدك تتكلم .. قال إي والله .. قلت له خلاص أنا بأروح في ليموزين .. قال و الله ما تروح في ليموزين و أنا موجود .. قلت ياخوي ما نبي نخسر بعضنا .. خلني أروح في ليموزين .. قال تروح في ليموزين و السياره شفها قدامك ... هو قال قدامك و إلا ما قالها ... و أنا على طول التفت على حصيصه .. إلا عيونها شاقصه .. و ما تسمع إلا ذيك الزفرات طالعه من حلقها .. الله يقطع حلقها .. على طول ألتفت على اخوي وقلت له .. الله يعوضك ياخوي .. قال يعوضني بأيش .. قلت سيارتك ... وهو اللي يلتفت على السياره إلا هي شابه .. وهو اللي يزاعق .. وأنا طايح(ن) فرش في حصيصه .. و أنا أللي أركب ليموزين و أحط حصيصه في الشنطه ... وصلنا بيت اهلي .. رحت سلمت على الوالد و الوالده ... و حصيصه ساكته ... المهم أمي راحت تجيب غرض من غرفتها ... يوم نطقت حصيصه ... قالت خالتي تسنك بنت في العشرين .. ترقين الدرج من دون ما تتمسكين في الدربزين ... و تجيك اميمتي من الدور الثاني مجاوبه ... وأنا إللي امسك حصيصه من قذلتها وساحبها في الشارع لبيت أهلها ... و أنطلها عليهم ... و أروح أتدين لي سيارتين بـ 150 الف و أعطي ابوها الدراهم مع ورقة الطلاق ... وكاتب ورى الورقه ترى بنتكم بكر ...
نستفيد من الحتسي هذا كله .. إنه إذا بغيت تعرس و قال لك خالك أبو المدام .. اهم شي الرجال .. أو .. أحنا نشتري الرجال .. فحط رجلك .. لأن ما سيحدث بعد ذلك سيكون اما كوارث أو موت ...
................
واصلني عبر الايميل.**13**