المساعد الشخصي الرقمي

مشاهدة النسخة كاملة : قصيدة مذهلة من شاعر مذهل


جنوون
18-09-2003, 12:19 AM
اخواني اخواتي اعضاء منتدى الشعر
السلام عليكم ورحمة الله وبركاته
انا اخوكم (جنوون) وهذي مشاركتي الاولى في هالمنتدى الرائع اللي بصراحة ذهلت من جودة تصميمه والاتقان اللي فيه000
فعلا متعوب عليه والله يعطيكم الف عافية وماقصرتوا00
مشاركتي اليوم عبارة عن قصيدة للامير الشاعر عبدالرحمن بن مساعد

ولكم خالص التحية والتقدير وبالذات (الحيران)




مُذهلة .. !
ماهي بس قصة حسن ...
رغم ان الحسن فيها بحد ذاته .. مشكلة

مُذهلة ..
كل شي فيها طبيعي .. ومو طبيعي
أجمل من الأخيلة
طيبها .. قسوة جفاها ..
ضحكها .. هيبة بكاها ..
روحها .. حدة ذكاها ..
تملأك بالأسئلة ..
مُذهلة ..

مُذهلة ..
تملأك بالأسئلة ..
هي ممكنة والا محال ..؟!
هي أمر واقع .. أو خيال ؟!
هو سهلها صعب المنال .. ؟
أو صعبها تستسهله !

مُذهلة ..
تملأك بالأسئلة ..
ليه كل معجز مر هذا الكون .. فيها له صلة ؟؟
ليه كل شي فيها تظن انك تعرفه .. تجهله !؟
ليه كل (لا معقول) فيها ورغم هذا تعقله !؟
طيبها .. قسوة جفاها ..
ضحكها .. هيبة بكاها ..
روحها .. حدة ذكاها ..
تملأك بالأسئلة ..
مُذهلة ..

يا بدايات المحبة ..
يا نهايات الوله ..
كيف قلبي ما احبه ؟
وانتي قلبك صار له !
يا أعذب من الأمنيات ..
يا عالم من الأغنيات ..
يا أجمل الشعر البديع ..
من آخره لين أوله ..
ما راودتك الاسئلة ؟!
ليه عمري ما لقى لبرده دفى ..
الا دفاك ِ !
ليه قلبي ما بدقاته عزف لحد ٍ ..
سواك ِ !
ليه أنا عيني تشوف وماتشوف ..
الا بهاك ِ !

يا أجمل من الأخيلة ..
هذا جواب الأسئلة ..
كي تكوني من حنيني ..
وبس فيني .. ومو بدوني مُذهلة


**22**
دكتوركيف
18-09-2003, 01:55 PM
يعطييييييييك العافيه اخوي وصح لسانك ..
أم فهد
19-09-2003, 12:24 AM
كلمات روعه

ويكفي انها من كلمات عبدالرحمن بن مساعد

من افضل الشعراء بالنسبة لي

اشكرك اخوي اتمنى ان تتاابع مشاركتك وان لاتبخل علينا


وتحياتي
العتيبي
19-09-2003, 03:22 AM
اهلين اخوي جنون

مصافحة جميلة منك

وحياك الله بيننا

وصح لسانك ولسان الشاعر

الكبير الامير عبد الرحمن بن مساعد

تسلم اخوي واكيد كلمات في قمة الروعه

ننتظر جديدك

تحياتي لك

العتيبي ،،،،،،،
جنوون
05-10-2003, 01:32 AM
دكتور كيف

أم فهــــد

العتيبـــــي


أشكركم على الاطراء والترحيب وعلى قراءتكم للرسالة
اتمنى بس انها أعجبتكــــم 00000واوعدكم بالمزيـــــــــــــد
معراك
05-10-2003, 01:50 AM
يعطيك العافيه والله انك صاحب ذواق بختيارك صاحب السمو



الشاعر الكبير
دكتوركيف
05-10-2003, 03:12 PM
اكيد انها اعجبتني ولا كان مارديت ..؟؟
هههههههههههههههه
الحوت
11-10-2003, 01:49 AM
انت تجامل واجد يادكتور بس القصيده تستاهل