مزيــانه
17-07-2003, 07:37 PM
السلام عليكم
مواقف تجمع تصرفات متعاكسه ومتناقضه تحدث في مجتمعنا
========================
ابو احمد : اليوم تقدم لي شاب يبي يخطب بنتنا هند
ام احمد : وش يشتغل يابو احمد ؟
ابو احمد : خريج تقنيه وفاتح ورشه ودخله مشالله زين
ام احمد : يخسى ويعقب انا بنتي ما تتزوج الا طبيب او مهندس
للمعلوميه ابنهم احمد - 30 سنه - ساقط كفاءه - عاطل عن العمل - يستلم مصروفه حاله حال اخوانه الصغار
========================
صالح : يما ماعليك امر ارسلي لنا غدا مع السواق
ام صالح : وراه يا وليدي مرتك ما طبخت ؟
صالح : الا طبخت لكن طلع الاكل خانس وتعافه البقر
ام صالح : الشرهه مب عليها الشرهه على قليلة الحيا امها الي تزوجها وهي رفلا ما تسنع شي بشغل البيت
للمعلوميه ام صالح عندها اربع بنات كلهم تزوجوا وهم ما يعرفون يطبخون
========================
سليمان : هاه يا عمي بشر عسا البنت وافقت
ابو عادل : ابشرك يا وليدي البنت موافقه ولكن امها الله يصلحها عندها شروط
سليمان : خير يا عمي وش هي شروطكم ؟
ابو عادل : اول شي تقول تبي العرس بالفيصليه وثاني شي تبيك تجيب ديانا حداد وثالث شي كان ما عليك امر تجيب زبيده لزوم الردح والمرادح ومثلك عارف وهذا كله على حسابك يا وليدي وحنا محنب دافعين ولا ريال
وترا مب القصد نثقل عليك بذي الشروط لكن انت عارف وضعنا الاجتماعي واقاربنا كلهم مسؤلين ولازم العرس يشرفنا قدامهم
للمعلوميه عرس ولدهم عادل حطوه باحد الاستراحات القابعه في احد دواعيس شمال الرياض الي ما توصلها ولا بهيلوكبتر وايجارها كان ب50 ريال لمدة اسبوع ونص المعازيم ضيعو الطريق وما لقوهم الا بالصمان والنص الثاني يوم شافو الدعوى طويله مسكو خط الدمام وقالو نروح للشرقيه اقرب
========================
صدق ما عندهم سالفه :mad:
مواقف تجمع تصرفات متعاكسه ومتناقضه تحدث في مجتمعنا
========================
ابو احمد : اليوم تقدم لي شاب يبي يخطب بنتنا هند
ام احمد : وش يشتغل يابو احمد ؟
ابو احمد : خريج تقنيه وفاتح ورشه ودخله مشالله زين
ام احمد : يخسى ويعقب انا بنتي ما تتزوج الا طبيب او مهندس
للمعلوميه ابنهم احمد - 30 سنه - ساقط كفاءه - عاطل عن العمل - يستلم مصروفه حاله حال اخوانه الصغار
========================
صالح : يما ماعليك امر ارسلي لنا غدا مع السواق
ام صالح : وراه يا وليدي مرتك ما طبخت ؟
صالح : الا طبخت لكن طلع الاكل خانس وتعافه البقر
ام صالح : الشرهه مب عليها الشرهه على قليلة الحيا امها الي تزوجها وهي رفلا ما تسنع شي بشغل البيت
للمعلوميه ام صالح عندها اربع بنات كلهم تزوجوا وهم ما يعرفون يطبخون
========================
سليمان : هاه يا عمي بشر عسا البنت وافقت
ابو عادل : ابشرك يا وليدي البنت موافقه ولكن امها الله يصلحها عندها شروط
سليمان : خير يا عمي وش هي شروطكم ؟
ابو عادل : اول شي تقول تبي العرس بالفيصليه وثاني شي تبيك تجيب ديانا حداد وثالث شي كان ما عليك امر تجيب زبيده لزوم الردح والمرادح ومثلك عارف وهذا كله على حسابك يا وليدي وحنا محنب دافعين ولا ريال
وترا مب القصد نثقل عليك بذي الشروط لكن انت عارف وضعنا الاجتماعي واقاربنا كلهم مسؤلين ولازم العرس يشرفنا قدامهم
للمعلوميه عرس ولدهم عادل حطوه باحد الاستراحات القابعه في احد دواعيس شمال الرياض الي ما توصلها ولا بهيلوكبتر وايجارها كان ب50 ريال لمدة اسبوع ونص المعازيم ضيعو الطريق وما لقوهم الا بالصمان والنص الثاني يوم شافو الدعوى طويله مسكو خط الدمام وقالو نروح للشرقيه اقرب
========================
صدق ما عندهم سالفه :mad: