سامحني

[أديم السماء]

لـيـتـنـي..، فدوة عيونك ياأبوي
بـس..مـدري..وما عرفته..

وانت تـدري..صعـب نـتـعـرّف عـلـيه!!!

كمْ مرّة الموت جانا..؟؟؟

وكل مرة تروح روح..

وكم روحٍ في جنابه..

راح فيها واحـتـفى...

من زمان وهو يجول..

وسط بيتك..ما تأنّى...!

دايمٍ طبعه عجول..

بس والله ماعرفـنا إنه لـفراشك لفى..

كـنـت أحسّب حين أروّح ..

بكرة أرجع..وانت أحسن..

وأطلب الجنة ورضاك..

ياخسارة..

مالحقت أطلب سموحة ولا رضا

آه لو تـدري بحالي

قـصتي يابوي قصة..

في حياتك..

وبعد موتك..

قصتين!!

الأولة..:

هـمي رضاك..

أخاف منك. . حتى لو عندي حكاية...أو سؤال

أحسب حساب الكلام

خوف أغلط..

خوف تزعل..

مو بيدي ..

يوم.. أحس إني صغيرة وإني طفلة بين ايديك..

هيبتك تطغى علي..

ويـوم أحـس إني كبيرة

فرحتي إني أجـيـك..أو تجيني..

أحتفي بك..واحـتـضن كفك..

اسلم فوقها وجه وقفا

واتمنى جلستك عندي تـطول

والثانية :

هي ذكرياتك..

أصطليها كل حين

أتذكر.... يوم هالدنيا تـغـبّـر..في حياتي

ويوم تجرفني السيول

واحتريك..

أحتري كلمة عوايش..

واحتري القلب الحنون

دمعتك كانت قريبة

وديمة احساسك هطول

وكانت احضانك دفاي يوم يجـفاني الدفا

وابقى في حضورك خـجـول

آه حضنك ياأبوي

ضحكتك ..

نـغـمات صوتك..

لما تسأل ..

هي دواي والشفا

..واتذكر...

وافتقد كلمة أبوي

آآآه

وينك ياأبوي..؟؟

كل حـرفٍ يحـتـويـني ويغترفني

آه ياحروف الوفا

حـيـن أرددها كثير

وكل يوم. واقـولها.. جهر وخفا..

واتـذكر.. آه .. .وينك يا أبوي..؟؟

ياثـيابي الضافـية

يارفـيق الـفـرح ..والأحـزان ياكل الفصول

بعد راسك..

صابني هم وذبول

وما قدر بـَعـدك زماني ينتصف..لي

ويـعـتـدل مابين تكدير وصفا

كل شي بـعدك تـبـدّل

حتى صيـف الناس

في قـلبي طبـول.. عالي يدق

وصار في عظامي شتا

بعد راسك..

شمّرت كل الثياب

واسـتـطالت!!

ذرّفـت ألوانها

ليـتـك تقول..

ويش اسوي؟؟

والـثـيـاب بدون لون

ويش اسوي؟؟

لما تـقـصر أو تـطول..!!

منـين اجيب ثـياب قـدّي

إنت ثوبي اللي لبـسـته..

من زمان وكل م كبر

طال من حولي وضفا

واتذكر..

و اشـهد إنك جـفّ دمعك..

بيننا ياما بكيت

لك عيال ولك بنات..

يوم راحـوا..واحـتملت وما شكيت....

بـيـفـرحـون ..

يـوم الـبـشـيـر يـقـول لهم ...

هذا أبـوكم..

انتهت رحلة عـذابه..

رحلة الأوجاع

وسنين الشقا

يابختكم يوم اجـتـمـعـتـم..

تكفى سلّم ياأبوي

بالخصوص أختي حنان

أختي الحنون..

رمز المحبة والصفا

.تفرح كثير..بـجـيـتك.

سـبـحان ربي..

خصها ..واختـارها

هي هـناك وانا هنا

هـنّـاك ربي بـقـربها

تذكر أبوي؟؟

يومها كانت صغيرة

تـنـسى اسمك

وهي تـنـادي

تـغـيّـره ..

وتـقـول بادي

ونـدهـشـنـا ..

مـيـن بادي؟؟

إسألها يمكن تـفـتكر..؟

كانت سوالـفها كـثـيـر وطـيـّبـة..

والله ..واني صادقة

يمكن عليها اخطيت..مرة

وما تذكر يوم ..جا منها خطا

أختي حبيبة..ورحـلـت..

دار الخلود..

هي داركم

يالله ياالمعبود..

ترحمهم جميع

وتجعل الرحمة فـراش

ونور وجهك سترهم

والمغـفـرة هي الغطا

والصلاة على الرسول نبينا

خير الأنام المصطفى

[دمامي قديم]

أجدتي فأصبتي . بارك الله فيك .

[العتيبي]

مي خالد

يكفي انا اقول لك .. انتِ رائعه

الله يعطيك الف عافية وفي إنتظار جديدك

العتيبي

[رشدي الغدير]

نص باهر يا مي لكن هل هذا نقل او من انتاجك