تناظرني واناظرها للشاعر ابو خالد العتيبي

[العتيبي]

تناظرني واناظرها تهـز قلوبنـا الاشـواق *** انا احبس دمعتي عنها واهي ماتحبس الدمعه

تهامل دمعها مثل النـدى لاداعـب الاوراق *** كسب له من سنا خد ينـور بالدجـى لمعـه

همستلها الستر مطلوب كفي دمعك الدفـاق *** ترانا في مكان عام فيـه النـاس مجتمعـه

تبي تحكي تبي تشكي ولاكن جفت الاريـاق *** فمان الله قالتهـا بصوتـن خافتـن سمعـه

في بحة صوتها حسيت شي يمزع المعـلاق *** وبدها الدمع هل ولاقدرت اقوى على منعـه

وراحت تسحب الخطوة وانا في ماقفي منعاق *** أشوف الروح تتبعها تحايلها على الرجعـه

وغابت شمسها غيبه مايجي بعدها اشـراق *** وظلام اقدارنا ممنوع تولـع للامـل شمعـه




وسلامتكم..

[صمت الحب]

صح لسان من قالها

ومشكور اخوي على نقلك للقصيده

[العتيبي]

هلا وغلا

حياك والله

ولا شكر على واجب

اسعدني مرورك

[التورنيدو]

الله يسلمك ياراعي الونه على ها الابيات والله لا يحرمني منك
وصح السانك والسان ابو خالد

[العتيبي]

هلا وغلا اخوي بن دهيم

حياك الباريء

صح بدنك

وتسلم اخوي على هالطله

ت
ح
ي
ا
ت
ي