من برجس لنفق النهضة ....يا عيني عالرياض

[اميرة الحروف]

القصة قديمة تتكرر بكثرة بعضها ظهر للعيان والخافي اعظم .......تحرشات جنسية هنا وهناك .....ضحايا تؤثر الصمت خوفا من الفضيحة وكلام الناس..........ولكن الى متى نسكت؟
لو اردنا ان نناقش اسباب هذه الظاهرة ....وسبل علاجها ماذا يمكن ان نقول؟ لماذا يقدم الرجل على التحرش الجنسي ببعض النساء من حوله في العمل السوق الشارع لماذا؟
المشكلة في البيت
التربية
المدرسة
الاعلام
هيبة القانون والدولة
الدين
طبيعة العصر
ام خليط من كل ما ذكر...........فالرجل يحمل عيبه بكل سهولة وليس لديه ما يخشى عليه(مفهوم الشرف) البعض منا يربي اولاده على هذه الفكرة خذ راحتك افعل ما تشاء يا بني لكن لا تجلب لنا المشاكل وعوار الراس ..اي اننا امام ارث فكري متخلف يجب محاربته ...يجعل المرأة في وضع الفريسة المحللة مسبقا ...والرجل الفارس الصياد..وما يفعله بفريسته حلال كامله.
تصرف هؤلاء الاولاد او الصبية نموذج لكل ما سبق....ولعلي سمعت تعليق من بعض الناس بانه البنات يستاهلون ما جرى لهم لانه فيما يبدو عطوا الاولاد وجه او كان بينهم غزل في النفق .......واقول غزل ...اذ لايعقل ان تسلم انثى جسدها في قارعة الطريق لرجل لا تعرفه ...ولا يبدو لي من متابعتي للبلوتوث انه بين المجموعتين علاقة مسبقة مثلا.
برجس الان كما يقوولون رجل متدين عائد الى الله...واخبار قصاصه وعقوبته طمطمت ولم نعد نعرف عنها شيئا هل سيفعلون نفس الشئ مع هؤلاء الاولاد ؟ام سيختار الاولاد التدين وتطويل اللحى؟
السؤال الذي ثا ر في ذهني ....ليش كل حوادثنا وفضايحنا في الرياض ليه ؟
وبصراحة اللي اوجد لنا هالبلوتوث له الف تحية وسلام
كل عام وانتم بخير وسلام وامان

تحياتي
اميرة

[عبدالمحسن الودعاني]

رائعة

ولي عودة

فقط احببت ان احجز لي مساحة هُنا


وتقبل الله صيامك يا اميرة الحروف


عبدالمحسن الودعاني

[اميرة الحروف]

رائعة

ولي عودة

فقط احببت ان احجز لي مساحة هُنا


وتقبل الله صيامك يا اميرة الحروف


عبدالمحسن الودعاني

اهلا بك سيدي
بانتظار مرورك
الف تحية

[مهاجر]

اختي العزيزة

لي عودة مع موضوعك -

بس حبيت انوه ,, ان المشاكل في كل مكان مو بس الرياض ,, ( بس يمكن انتي ما اطلعتي الا على

ها اللقطات ,, ولا الراشد وكورنيش الخبر مليانه بلاوي ) ,,

اللهم اني صايم ,,,,

[مهاجر]

الأخت / أميرة الحروف


التحرش الجنسي قضية موجودة في كل مكان من العالم ,, ولكن ولأننا في بلد الإسلام فمن المفروض أن لا

تحدث لدينا .

ذكرتي أسباب كثيرة للتحرش ونسيتي سبب اعتقد انه من أهم الأسباب ,, يأتي من وجهة نظري من حيث الأهمية

بعد التربية آلا وهو الفتاة .

في معظم قضايا التحرش إن لم تكن كلها تكون الفتاة قد هيئات نفسها لذلك وكأنها راغبة ,,,

لماذا نحاول دائماً آن نظهر الفتاة على أنها ملاك طاهر لا يمكن آن يحدث منها خطأ , لماذا دائماً هي على حق

والرجل هو المذنب ,, لقد ذكرتي أختي العزيزة في مقالك ما اسميتيه ب( مفهوم الشرف ) ويبدوا آن هذا المفهوم

سوف يتغير ولكن بصورة أخرى آلا وهي آن الفتاة لا تخطي والخطأ لا يصدر إلا من الرجل !!!!!!!!!!!!!!!!

أنا هنا لست أدافع عن هؤلاء الخنازير ( أسف على التعبير ) حتى لا تفهموني غلط , ولكن نحن هنا نناقش قضية

عامة وهذه هي وجهة نظري ,,

من يفعل مثل هذه الأفعال يجب أن يعاقب بأشد عقوبة ( وإذا كان أهله ما عرفوا يربونه ,, يربيه الشرع والقانون )

وحتى يكون عبرة لغيره .

سؤال : إذا كان هناك ( كلب شوارع جائع ) ورميت له قطعة لحم ( لذيذه ) , ما الذي سيحدث ؟

هذا بكل بساطه ما حدث في نفق النهضة .

أختي العزيزة أميرة الحروف موضوعك جميل ولكن لي عتب عليك فيما يخص مقولتك ( ليش كل حوادثنا وفضايحنا في الرياض ) ,,,المشاكل في كل مكان مو الرياض بس ................. ولكن يبدو إن في الخاطر شيء على الرياض وأهل الرياض ,,,,,,,, وسلامتك.

اللهم إني صايم ,,,,,,

[بحرالعشق]

الف تحيه للجميع

الاخت اميرة والاخ عبدالمحسن


اما انت يا مهاجر


بصراحه


يبغي لك اوقف ساعه اصفق بيدي لك

اعجبني كلامك كثير



-=-=


طبعا كمعلومة برجس حكم عليه بالسجن لمدة 15 سنه منذ ان انتهى التحقيق معه ..

-=-=-

اختي الكريمه ... للاسف انا تمنيت ان هالاخبار تجي من غيري

ولكن قبل فتره حادثه انتشرت في البلوتوث لطلاب في احدى مدارس الدمام .. وهي اغتصاب طالب من قبل اثنين ... والموضوع عدى وما سمعنا شي عن هالحادثه ..

وقبل فتره حادثة كليات البنات .. بالدمام بعد ... البنت السمراء مع صاحبتها .. وامام بعض الطالبات ...

وما سمعنا اي ردود افعال ...

طبعا وغير كذا اهل جده وغيرهم وغيرهم

طبعا لكل قاعده شواذ ومو معنى هذي اني اقلل من عدد الشواذ

لا بالعكس احنا مو مجتمع كامل بس احنا افضل من غيرنا بكثير ولله الحمد ...

لما يحدث شي غريب عن عاداتنا وتقاليدنا الاسريه او الاسلاميه ... علما انني مجتمع العادات والتقاليد هي الدستور .. للاسف ننسى بعض تعاليمنا الاسلامية على حساب العادات الاسريه

-=-=-=

نروح لاساس الموضوع ...

الترابط الاسري له تأثير كبير على تربية الفرد ...

اهتماماك بأبنائك له دور كبير هي رسم مسار حياتهم ...

للاسف انا اقول الله يستر من عيال هاليوم يعني اصبري اربع سنوات وشوفي وش بيصير ...

المجتمع السعودي انقسم الى ثلاث اقسام ..

(( محافظ)) وهؤلاء للاسف هم الجناة وهم الضحايا

الاباء هم الضحايا والابناء هم الجناة

وقسم (( متفتح)) وهؤلاء متأمركين يعني وهالكلام ينطبق على بعض من الشرقيه والغربيه يعني من بداية حياتهم الوازع الديني عندهم اي كلام .. وانا اتكلم من نظريتي للحجاب والقيود اللي المفروض تضع على المرأة ...

وهؤلاء في بعض الاحيان فقط يكونو ضحايا .. ولكن بكلا الحالات هم عايشين بجوهم وبحياه غيرنا وماهم معنا


وفيه قسم (( فاهم الانفتاح بطريقه خطا )) يحاول يقلد وهذا القسم للاسف بناتهم هم السبب ورى المصايب تبغي تصير مثل القسم السابق بس مو عارفه

وللاسف فعلا هم اللي يجيبون الطامه لانفسهم


البنت تلبس لبس مو من عادة اهلها انهمخ يلبسون هاللبس ولكن لبستها لانها تشوف البنات كذا ...

البنت تروح تتمشى بلحالها بدون محرم ولابسه مخصر مثلها مثل غيرها وتغري شبابنا البدائيين نقول لاننا تونا ما تعودنا على المخصر للاسف ... نشوف ذا اللي لابسه مخصر تضيع علومنا ...

لان هالعبايات وغيرها من اللبس دخيل على مجتمعنا

تبوننا نتغير .... طيب بنتغير بس مو كذا ...

ما احد يغير مساره ويلاقي القبول بهالسرعه

انا عايشت هالامور كلها انا لي تقريبا في الشرقيه اكثر من 10 سنوات تقريبا وانا الاصل من اهل القصيم واخواني في الرياض

يعني يمكن اكون عارف اهل هالمناطق وطريقة تفكير بعضهم


على العموم خلاصة كلامي اعلاه اللي ممكن يكون فارغ

يبي لنا وقت على شان نتأقلم مع الوضع الجديد واكيد ما يمنع اننا راح نشوف اكبر من هالمشاكل مستقبلا ...
واعتبره جدا جدا جدا طبيعي ... خاصة والان المجتمع مو المجتمع الاول ...


تحياتي لكم واتمنى ما ازعجتكم بردي


اخوكم


محمد

[مهاجر]

اخوي بحر العشق شكرا على الاطراء

كلامك جميل ,, بس انا ودي انبه لشي : ياريت نبتعد في ردودنا عن التعصب والانتماء لناس او مدن

معينه او اننا نستعمل صيغة الجمع في الكلام عن مشكلة معينه .

القضية هامه وتشملنا كلنا يا سعوديين ما تخص الرياض او الدمام او جده ,, تهم السعودية واهلها

الله يحفظنا ويحفظ ها البلد من مثل ها ( الحيوانات ) وتحيتي للجميع ,,,

مهاجر

[عبدالمحسن الودعاني]

لو اردنا ان نناقش اسباب هذه الظاهرة ....وسبل علاجها ماذا يمكن ان نقول؟ لماذا يقدم الرجل على التحرش الجنسي ببعض النساء من حوله في العمل السوق الشارع لماذا؟
المشكلة في البيت
التربية
المدرسة
الاعلام
هيبة القانون والدولة
الدين
طبيعة العصر
ام خليط من كل ما ذكر...........
السلام عليكم

إعتذر لـتأخري
وفي الحقيقة احي كل من بحر العشق و مهاجر
على مشاركتهم
ولي تعقيب على ردودهم ولكني فضلت ان اطرح ردي على موضوعك ومن ثم مناقشكم


لماذا يقدم الرجل على التحرش الجنسي ؟
عدة اجوبة .. واولها ضعف الوازع الديني , الأمن من العقوبة(العقوبة من الفتاة)و(العقوبة من السلطة)
الرجل لن يتحرش بدون اسباب ان وجد تساهل من الفتاة سيبادر بالتحرش بها. .

المشكلة ببساطة هي المرأة

لماذا تلبس العباءه المخصرة . . ؟
( اذا كانت هي الموضه فلتبسها عند زيارتها لصديقاتها وفي الحفلات والأعراس لا في المجمعات والأسواق والمستشفيات والأماكن العامة)

لماذا تخرج بدون محرم . . ؟
وقد امرهم الله بالتستر وعدم الخروج الا للحاجة( ان خرجت المرأه بكامل حشمتها ومعها محرم وتم التحرش بها هنا نقول ان المصيبة عظمى ولا يستهان بها)

الصراحة في الحوار هي البداية في حل اي مشكلة
دون تحيز لأي طرف . . فأن ذكرت شئ غير صحيح فليتم مناقشتي به

انا لا أجرم الفتاة واعطي الشباب العذر
لا لست بالمدافع عنهم

ولكن السؤال الأهم
لماذا فعل الشباب هذا الفعل المشين . . ؟


يقال . . اذا عرف السبب بطل العجب


في الحقيقة اني اتألم عند رؤية فتياتنا في المجمعات والأسواق بعباءه فاتنة واكاد اجزم بل اقسم ان بعضهم لو كانت بدون عباءه لما تجرأ احد ان يلاحقها او يغازلها ..تتسألون عن السبب .. السبب هو ان العباءه هي من تجملها ..

وهذه هي الحقيقة ويدرك ما اكتبه من سافر خارج المملكة وتمنى ان بعض الأجساد تسترها عباءه لبشاعة ما يراه . .

انا لا استهزئ بخلقه الله ولكني اردت ان اثبت ان العباءه هي المغرية وهي الطعم الذي يدعوا الشباب بالتجرئ في البداية ومن ثم رمي السنارة فأن غمزت سيواصل والا سيكرر المحاولة او سينتقل الى فتاة اخرى


ملاحظة هامة
انا هنا لا اتهم كل فتاة تلبس عباءة الكتف انها غير محترمة او .. او
ولكنِ اود ان اوضح لكي يا اختي ان عباءتك رمز عفتك فحافظي عليها . .
ولا امنعك من لبس عباءة الكتف ولكن البسيها لصديقاتك ولا تلبسيها للشباب في الأماكن العامة حتى لا تعرضي نفسك للمضايقات . .

والمحرم
تذكروا ان الحج ركن من أركان الأسلام وفريضه فرضها الله على من يستطيع لا تصح الا بوجود محرم لأي امرأة تود الحج . . فما بالكم بالخروج لما هو دونه . .


إعتذر لأطالتي
واتمنى اني غطيت عدة جوانب للموضوع

[fahad214]

السلام عليكم

انا مع الاخ مهاجر والاخ عبدالمحسن وعندي نقطة تعقيب على اميرة الحروف
ما ادري بصراحة وش معنى كلامك الي تقولين فية (اذ لايعقل ان تسلم انثى جسدها في قارعة الطريق لرجل لا تعرفه
...ولا يبدو لي من متابعتي للبلوتوث انه بين المجموعتين علاقة مسبقة مثلا.) يعني ما ادري اذا تعرفه عادي عندك والا كيف
ياليت توضحين كلامك

وشاكر لكم
اخوكم
فهد

[بنت النوخذه]

حبيت اقول شي بعد ماقرريت ارائكم وارجو انكم تحكمون علية بعد ماتقرونه البنت السعودية سواء كانت من الرياض ولا من الدمام ولامن جده بعد الزبده اي مكان بالسعودية تمشي وهي رافعه رأسها ماحد يقدر يكلمها لوكانت كاشفه متلثمة مبرقعه بعباية مخصره بدون عباية محد يقدر يكلمها الااذا شاف منها حركه تجاوب والله الولد ماشي بيشوف وحده تتكعكع وتطالع فيه بيقول تبيني وانا شخصيا مجربة الولد اذا ماشافشي من البنت بيمشي ويتركها لكن اذا شاف منها شي بيلاحقها وبيسوي لها مثل برجس ونفق النهضه وازيد ولو اني من البنات حقين نفق النهضه ماارجع امشي الابعجره
وسالمين
بنت النوخذه

[شرقي]

السلام عليكم ورحمة الله وبركاته ......

الصراحه يا أختي بنت النوخذة كلامك مو كله صحيح .... مسألة أن البنت السعودية
تمشي وراسها مرفوع أنا معاك واللي يقول غير هالكلام الكل يرد عليه ....

أما اذا كانت غير محتشمه ( والكل يعرف ايش معنى محتشمه في المجتمع السعودي ) فصدقيني راح يختفي كل هذا الأحترام للسعوديه .

ابسأل . ايش سر الأحترام للمرأة السعوديه .. صراحه .. هل لأنها بس .. سعوديه ... لا ..صدقوني

بس لأنها ساتره نفسها هذا السر الموجود في المرأة السعوديه ... يعني الأحترام مربوط بالستر

أنا ما أقول الشباب مو غلطانين وما عليهم شي لا الشباب بياخذون عقابهم انشالله انا كلامي هذا

للمستقبل لأن اللي راح راح ولازم ننهي المشكله .... اتمنى اختي بنت النوخذة انك ما تفهمين اني

متحامل على البنات بس هذا رايي بصراحه ....


على فكره انا مريت هذا النفق بعد الحادث ما شفت فيه الا يمكن خمسه أو سته والوقت كان
بدري .....

مشكوريييييييييييين التوقيع في الطريق ...

[فتاك الهموم]

يا أختي هذه الأمور لا ينظر إليها بعين الحنية إنما يعاني الشعب السعودي من زيادة الحنية على الجاني
ويصبح المجني عليه هو الضحيه من الناحيتين الأولى التعرض الجنسي والثانية الحكم الذي لا يردع الجاني
وبسبب هذا الحكم التشجيع على القيام بهذا العمل مرات أخرى . ولا يكون رادع لغيره ممن تسول له نفسه القيام بمثل هذا العمل .

والله ولي التوفيق

[بحرالعشق]

هلا اخوي المهاجر

مشكور على تعقيبك

بس الله يحييك صدقني مو تعصب وانا اعطيتك ثلاث نماذج والكلام هذا ينطبق على عامة شعبنا وانا اخوك


بس انت عارف الله يسلمك ان اهل نجد لهم سلومهم وعاداتهم

ونفس الكلام على اهل الشرقيه

ونفس الكلام على اهل جده ونفس الكلام على القصمان واهل الشمال

واهل الجنوب بعد

هذا اللي كنت ابي اوصله يا ال اغالي وانت عارف يا بعدي


ان فيه ناس مثل الغراب اعزك الله

اللي يبي يمشي مشية الحمامه وضيع مشيته ومشيت الحمامه وهذولا اللي انا قاعد اقصدهم


تحياتي واحترامي للجميع

وكنت اتمنى ان الاخت اميرة الحروف تعقب ونشوف تعقيبها لان هذي هي المواضيع اللي تخليك تدخل المنتديات

[بحرالعشق]

ما عليه اختي بنت النوخذه .....


ودي اسألك اذا تكرمتي علي ..

وش رايك بالعباية المخصرة ؟؟ تلبسينها ؟؟


انتظر اجابتك

وعذرا...

[دلوعة فوفو]

السلام عليكم ورحمة الله وبركاته..
انا شفت اللي صار بالبلوتوث .. اللي شد انتباهي ان البنات ماكانو يدافعون عن نفسهم بشكل مستميت كأن اللي قاعد يصير لهم عاجبهم هذا شي وثاني شي انهم مااشتكوا على طول الا بعد ماانتشرت السالفه بالبلوتوث يعني انهم عادي بالنسبه لهم
عشان كذا فاللوم يقع على الطرفين الاولاد ماعندهم وازع ديني ولاتربو تربيه محترمه وحتى البنات بعد ,فالمشكله هي مشكلة الاسره فهي اللي تنتج جيل نافع او فاسد يعني نداء لكل ام واب يفكرون يكون عندهم عيال اما انهم يربونهم عدل او انهم لايفكرون يجيبون للمجتمع عيال فاسدين..
والله يهدي الجميع سبحانه هو الرحيم فلا تغضبوه فيحل علينا غضبه مثل ماصار للغير من تسونامي وزلازل...

[ناشي]

[]لقدقراءت هذاالتعبيرلماحصل في النفق ولكن اسفي لكي ياميرة تبدين رايك وتعرضين نفسك للفتنه ويطمع فيك القلب المريض انتي مثل الجوهرة رايك لكي ومحارمك فقط لايتخبط الغريب في رايك واخيراتقي اللة ولاتنسي ان في الجنه نصيب لاتحرمي نفسك

[ذكرى قديمه]

عجبني رد المهاجر
و الاخ بحر الشوق
و عبدالمحسن
و ماخلو لي شي اقوله
بس ابي اقول
ان هالشي ما قاعد يصير بس بالسعوديه
بكل الوطن العربي
بس
اختي بنت النوخذه
كلامك ما عجبني ابد
اوكي ترفع راسها
بس حتى المظهر يغري مو شرط ان تسوي حركات ولا ما تسوي
:)


الله يهدي الجميع



السموحه عالقصور

[سفير نجد]

ليكون احد قالك اختي ان الرياض مدينة افلاطون




ترى الرياض مثل باقي المدن فيها الخير والشر





ياليت يكون نقدنا هادف وبلاش نصتاد في الموية العكرة



يا أميرة لا تصيرين مثل الجزيرة



سفير نجد

[نـــ فرسان ـــد]

اختي الفاضله اميرة اتوقع انه ردي جاء متأخر جدآ ولكن الموضوع شدني واحببت ان اوضح لك نقطه ولأخواني الأعضاء الا وهي ان جميع ما دكرتي في طرحك علاجه في شريط لفضيلة الشيخ / خالد الراشد وهو بعنوان ( زوجوا الشباب ) اتمنى انه الجميع يسمعه .

اتمنى للجميع التوفيق ومزيد من التألق.

[اميرة الحروف]

ليكون احد قالك اختي ان الرياض مدينة افلاطون




ترى الرياض مثل باقي المدن فيها الخير والشر





ياليت يكون نقدنا هادف وبلاش نصتاد في الموية العكرة



يا أميرة لا تصيرين مثل الجزيرة



سفير نجد


حشى والله
ما اصطاد ولا شي
ولكن الواقعة حصلت هناك واكثر من مرة وبصور مختلفة
انا بنت الرياض وعاشقة لها
رغم كوني خارجها
انا فقط اتساءل لم التركيز على ما يحدث في الرياض اكثر!!!
خصوصا بعد رواية بنات الرياض

[هشام المالكي]

الشباب مخطئون ويستحقون اشد العقوبات لمن يفعل فعلتهم

ولاكن

لو اتخذ البنات واقي من الشيطان لما حصل ماحصل

لماذا بنات في زهور العمر يذهبن وحدهن في الليل

بدون محرم

هذا ماسيحصل او اعظم من هذا

فلكل جريمه سبب والبنات هم السبب

كالذئب لو وجد شاه بدون راعي هل سيجلس متفرجا ؟