هل نظرة عابرة كافية لاختيار شريكة حياتك؟؟؟؟؟؟

[سفير نجد]

بسم الله الرحمن الرحيم

انا راح استخدم اسلوب سهل وبسيط في طرحي لموضوع مهم جدا .............................احنا يعني ( الشباب ) تبدا فكره الزواج عندنا بعد الوظيفةاو بعد التخرج للي الله ميسر ليه ماديا طبعا بعد نقاش مع الاهل يقع الاختيار على وحده من بنات الحلال سواء من الاقارب او من غيرهم ...................................المهم احنا وقتها ما نعرف اي شيء عن هالبنت بس مجرد كلام انها طيبه وبنت حلال وحلوه ومؤدبه و (ست بيت ) ومن هالكلام ....................الي يصير بعد كذا تجي عملية جس النبض الي تمهد (((((((( للنظرة الشرعية ))))))) يجي يوم النظرة الشرعية عشان الولد المسكين يشوف شريكة حياته ويروح يحلق ويضبط ( السكسوكه ) لانه على قولتهم .." الوجه يخدم " .....ويختار هذاك العطر المسكت ويرتب كل اموره ويروح مع الوالد والوالده لبيت الخطيبه ويرحبون اهل البنت ويضيفونهم وهات الشاي وهات القهوة والولد قاعد على احر من الجمر يبي يشوف هالبنت الي له اسبوع ما ينام كل ما يفكر فيها ............وتجي المحروسه بالعصير وتقدمه للضيوف طبعا قمة الاحراج ........وياخذ الولد العصير عاد يمكن لو سم عادي يشربه ( أكيد تعرفون السبب ) ويبي يناظر بالبنت يدوب يسرق نظرات لانه مستحي من الي قاعدين مهم بالمجلس ...............يعني بعد النظرة الشرعية اتحدى لو عرف الولد وش لون عيون خطيبته او حتى لو الروج الي حاطته ( هذا طبعا لو حاطه روج ) ولا حتى لون شعرها ...........................والبنت نفس الحكاية .



طبعا هالكلام من واقع تجربة لكثير من الاصدقاء عاشوا نفس السناريو مع اختلاف الحوار وانا كتبت هالكلام لحبايبي بمنتدى الدمامي ابي اخذ رايهم هل النظرة الي بهالطريقة كافية للحكم على شريكة حياتك لانه بصراحه مابي اشرب نفس المقلب ههههههههههههههههههه .


السؤال : هل انت من مؤيدين هذه النظرة بهذه الطريقة أم لك رأي اخر ................يهمني أعرفه لو تكرمت



أخوكم سفير نجد

[نـــ فرسان ـــد]

اخوي سفير
يعطيك الف عافيه وسبحان الله الميسر للزواج فانت ذكرت انه اهلك يعرفونها واكيــــــد
قبل اعلان الخطبه اهلك عرفوا عنها كل شئ ما راح يخطبون البنت الا بعد تفحص وسؤال
و .... و ..... و ..... الخ
وانت من ناحيتك تسال عنها خصوصاً جيرانهم بطريقه تكون سلسه وبدون ما احد يشك
في الموضوع .
ومن ناحية النظرة فهي حق مشروع للزوج لا يختلف عليها اثنين .
وتقبل تحياتي .

[اريام]

مرحبا اخوي سفير نجد اعجبني موضوعك لاني اعتبر هذا الشي مهم لكلا الطرفين..
ممكن اني اجلس وقت الشوفه ما اطلع على طول وفي نفس الوقت ما يكون معي الا اخوي اللي امون عليه
لاني بكون مرتبكه فايكفي وجود اخوي عشان اقدر اعرف شعوري نحو الشخص المتقدم لي مواعطيه العصيرواشخط؟؟؟؟؟؟؟؟؟؟؟ بتقولون جريئه بالعكس لمصلحتي ومصلحته اني اعطيه وقت يشوف واشوفه او بالأصح اسرق النظر ((((يووه استحيت))))
;)
فممكن انك تطلب منهم انها تجلس اذا ماشفتها زين او.......................خل عينك قويه اول ماتدخل(( تمقل))>>>>يعني تمعن
وقبل كل شي اطلب التوفيق من الله وتوكل عليه..
وهذي مني مقدما **1**

وشكرا............................................. ................اريام

[قلم خاص]

مسائك سكر ,,

أخي سفير نجد ,,

النظره الشرعيه مهمه جداًَ لكلا الطرفين ,,

وأعتقد أن وجود الوالد أو الأهل لكلا الطرفين محرج بدرجه كبيره ,,

وبذلك لن تستطيع ولو أستراق النظر ........... وكل هذا بدافع الحياء منهم ,,

يستحسن أن تكون والدتك أو أحدى أخواتك المقربات لك متواجد في هذه اللحظة ,,

وكذلك لها أيضاًَ ,,

حتى يتسنى لك أن تعرف من هي شريكة حياتك ,,

لا تستغرب من كلماتي لكن هذه المسئلة مصيريه ويتوقف عليها عمر طويل أذا كتب الله لكما التوفيق ,,

مع أمنياتي لك بالتوفيق في أختيار شريكة حياتك ,,

أعتذر أن أسهبت في الحديث ,,

ولكن هذا من منظوري الخاص ,,

قد أخطئ أو أصيب ...؟!؟!

تقبل أسما التحايا القلبية ,,

قلم خاص ,,,

كان هنا ومضى

[ام كشه]

اكيد النظره مهمه والاهم توافق الفكر والشخصيه بينهم صح مو لازم تكون نفس التفكير او الشخصيه لكن على الاقل يكون فيه تقااارب ولو بسيط

اختك

[رومانسى]

اكيد النظره مهمه والاهم توافق الفكر والشخصيه بينهم صح مو لازم تكون نفس التفكير او الشخصيه لكن على الاقل يكون فيه تقااارب ولو بسيط