رهوفي
16-08-2003, 04:06 PM
صحيت من النوم وجسمي يشرشر عرق من كتر الحر وقفت على حيلي ابغى اشوف اشبه الكونديشن لقيت الكونديشن مطفي لكن الزر حقه مفتوح قلت في نفسي اكيد الكهرباء مطفيه قمت قفلت زر الكونديشن عشان لا ينحرق علينا لما تولع الكهرباء.
وشويه اشوف ام فتو جايه وشايله معاها الاتريك في الظلمة هاديك كأنك قاعد وسط فيلم مرعب واسمعها تقول:
قوم انزل شوف الفيوز حق الشقة تكون محروقة, فتو قاعدة تبكي ماهي عارفة تنام من الحر وكمان خايفة من الظلمة.
طيب... هيه الساعة كم دحين?
ورفعت ام فتو الاتريك على فوق عشان اشوف الساعة اللي في الصالة اترينه الساعة 3 في الليل قلت في نفسي هادا وقته يعني شركة الكهرباء ما عرفت تطفي الكهرباء الا دحين والعالم كلها في سابع نومه.
والا عشان العالم سهرانه الايام هادي وقلك يالله فرصة نطفي عليهم الكهرباء كده من غير احم ولا دستور لكن ايش نقول من يوم ما اجتمعت (الطبينتين) مع بعض والحال مو مزبوط يوم تنقطع الكهرباء ويوم تنقطع المويه وحاله ما يعلم بيها الا الله.
المهم قلت لام فتو روحي على المطبخ وهاتيلي شمعة عشان اروح اشوف يمكن يكون الخراب من الفيوز ولا تنِس تسحبي فيش التلاجة لاتروح تنحرق علينا لماتولع الكهرباء لانه شركة الكهرباء ما تعرف تعوض احد بس تعرف ترسلك فواتير واشعارات بالفصل حتى لما تتصل على الرقم 993 ولا مخلوق يرد عليك المهم اخدت الشمعة وجيت نازل.
وانا نازل سمعت ام فتو تقول على مهلك حبه حبه في الدرجه ولسه ما خلصت كلامها الا وانا ادردب واتشقلب في الدرجه.
وتسمعني ام فتو وتقول يا ساتر يالطيف ايش في يا ابو فتو حرامي نط عليك والا ايه.
ياريته كان حرامي كان وريته نجوم الظهر هادا عرّي هو والبسه حقه جو طايرين زي الصواريخ يبغو يطلعوا السطوح.. وشويه اسمع ام فتو تسطح وتكركر من الضحك وتتريق وتقول قال ايه لوكان حرامي كان وريته شغله هادا وهو (عرّي) سوى فيك كده. خصرتها ومارديت عليها وقعدت اتحسس الدرجه الين وصلت عند باب العمارة الا واشوفلك الدنيا ظلام زي الكحل وسكان العمارة والجيران كلهم في الشارع اللي بسروال طويل وفنيله واللي بسروال قصير واللي بسروال من غير فنيله هادا غير اللي شغل سيارته واخذ اهله وفقع, تأكدت انه الكهرباء مطفيه في كل الحاره.
وسمعت السكان والجيران يتكلمو ويهرجو وبيقولوا اغلب الاحياء في جده ومكة والكهرباء عندهم مطفيه, قلت يعني هيه جات على مكه وجده حتى جازان الكهرباء مقطوعة فيها يعني بالله هادا كلام يطفو الكهرباء آخر الليل والناس نايمين وهما عارفين انه الجو هادي الايام زي النار ياهوووه ياناااااس ارحموا من في الارض يرحمكم من في السماء.
وشويه اشوف ام فتو جايه وشايله معاها الاتريك في الظلمة هاديك كأنك قاعد وسط فيلم مرعب واسمعها تقول:
قوم انزل شوف الفيوز حق الشقة تكون محروقة, فتو قاعدة تبكي ماهي عارفة تنام من الحر وكمان خايفة من الظلمة.
طيب... هيه الساعة كم دحين?
ورفعت ام فتو الاتريك على فوق عشان اشوف الساعة اللي في الصالة اترينه الساعة 3 في الليل قلت في نفسي هادا وقته يعني شركة الكهرباء ما عرفت تطفي الكهرباء الا دحين والعالم كلها في سابع نومه.
والا عشان العالم سهرانه الايام هادي وقلك يالله فرصة نطفي عليهم الكهرباء كده من غير احم ولا دستور لكن ايش نقول من يوم ما اجتمعت (الطبينتين) مع بعض والحال مو مزبوط يوم تنقطع الكهرباء ويوم تنقطع المويه وحاله ما يعلم بيها الا الله.
المهم قلت لام فتو روحي على المطبخ وهاتيلي شمعة عشان اروح اشوف يمكن يكون الخراب من الفيوز ولا تنِس تسحبي فيش التلاجة لاتروح تنحرق علينا لماتولع الكهرباء لانه شركة الكهرباء ما تعرف تعوض احد بس تعرف ترسلك فواتير واشعارات بالفصل حتى لما تتصل على الرقم 993 ولا مخلوق يرد عليك المهم اخدت الشمعة وجيت نازل.
وانا نازل سمعت ام فتو تقول على مهلك حبه حبه في الدرجه ولسه ما خلصت كلامها الا وانا ادردب واتشقلب في الدرجه.
وتسمعني ام فتو وتقول يا ساتر يالطيف ايش في يا ابو فتو حرامي نط عليك والا ايه.
ياريته كان حرامي كان وريته نجوم الظهر هادا عرّي هو والبسه حقه جو طايرين زي الصواريخ يبغو يطلعوا السطوح.. وشويه اسمع ام فتو تسطح وتكركر من الضحك وتتريق وتقول قال ايه لوكان حرامي كان وريته شغله هادا وهو (عرّي) سوى فيك كده. خصرتها ومارديت عليها وقعدت اتحسس الدرجه الين وصلت عند باب العمارة الا واشوفلك الدنيا ظلام زي الكحل وسكان العمارة والجيران كلهم في الشارع اللي بسروال طويل وفنيله واللي بسروال قصير واللي بسروال من غير فنيله هادا غير اللي شغل سيارته واخذ اهله وفقع, تأكدت انه الكهرباء مطفيه في كل الحاره.
وسمعت السكان والجيران يتكلمو ويهرجو وبيقولوا اغلب الاحياء في جده ومكة والكهرباء عندهم مطفيه, قلت يعني هيه جات على مكه وجده حتى جازان الكهرباء مقطوعة فيها يعني بالله هادا كلام يطفو الكهرباء آخر الليل والناس نايمين وهما عارفين انه الجو هادي الايام زي النار ياهوووه ياناااااس ارحموا من في الارض يرحمكم من في السماء.