النتائج 1 إلى 2 من 2

الموضوع: فنجال وعلوم رجال يالله حيووووووووه

  1. #1
    عضو مؤسس
    الحالة : عيون الشرق غير متواجد حالياً
    رقم العضوية : 8
    تاريخ التسجيل : Jul 2003
    المشاركات : 136
    التقييم : 10
    Array

    فنجال وعلوم رجال يالله حيووووووووه


    والقهوه تطلق عند بعض الناس على مكان الجلسة اللي يصير فيه الوجار والمكيف الصحراوي ويصير بالعادة بجنب باب الشارع عشان يسهل دخول الربع والشباب بدون أي حرج ..
    وبالعادة يكون وقت المغرب مخصص للشيبان يتقهون ويشربون اللبن في الصيف وحليب الخلفات المفوح بالشتا وهات من هالسواليف "وش سوى أبو دحيم أبو خالد باع بيته وأبو راشد معد يقوى يمشي شيب المسكين " وفي أكثر الأحيان يصير فيه أحد الشباب يصب لهم القهوه والحليب ..ودايم اللي يتولى هالمنصب من الشباب معد يسمية أخوياه الا الشايب ..

    إييييه .. يذن العشاء ويروحون الشياب يصلون وأول ما يطلع أخر شايب يبدون يجونك هالشباب لا صلاة ولا عباده وخذ ضحك وسوالف وطقة حنك "دريت يا دحيم خالد شرا هايلوكس غمارة وأول ما طلعه من الوكاله نصا طعس التحدي يرد عليه راشد يا رجال مهبول ذا ولو يعطس طلعت خمسمية يقول محمد اليوم يا شباب فيه تفحيط بشارع البراميل بيجي ابو تنكه هو باسم كربلاني ويبي يستلمون تفحيط (<=== وش دخل باسم كربلاني )"المهم لا تجمعو الربع هاك لعب بلوت " حكم صن يلعن أبو الحاله سرا خمسين يلعن أبو الشقا يجيك الرابع بكل برود يقول أرررررررررربعمية (وهو يقول الرا تقل شكمان ددسن ديزل )" وهاك لعب لين يجي العشا الساعة 11.30 ويطقون ذيك الكبسه من مطعم البخاري ويلحقنها كل واحد بكاسين لبن نجيدة ويتجطلون كلن معد يقوا يشيل عمره عشان يغسل هات من الكلام الخاثر عقب هااللبن ..
    إيييه.ويطلع عليهم الشايب الساعة وحده بالعصى "أها يا جعلكم للطاعوش وش مسهركم للفجر يالسمرمد يالله نت وياه لا أشوفكم معتيبين باب البيت انقلعوا لا بارك الله فيكم" وما تشوف إلا تخقيل بهالعصا....
    وكل يوم على هالحاله


    هذي القهوة باختصار


    وعشان كذا حبينا نحط لن "قهوه" بحنب باب الديوانية ..للسواليف والدردشة والعلوم السنعه

    تبي تسولف تبي تدردش تبي تقول شي ولا يستاهل موضوع كامل طول وعرض وخسارة حبر وورق من أموال الدولة حطه هنا
    تبي بارك لواحد إن مشاركاته وصلت للعدد الفلاني حط الموضوع هنا ولا تقعد تفتح موضوع جديد وحاله
    تبي تروح وتنقطع عن الشباب .. نجحت .. صقطت تبي تبارك بمناسبة معينه مثل اسبوع الشجره حطه في هذا الموضوع


    طبعا الموضوع فيه بعض الضوابط



    * لا يكون هدفنا من هذي "القهوه" زيادة عدد المشاركات ، وأعتقد أنا كبار على هالحركات
    * الردود بابتسامات كذا بس ما نبيه
    * الخمبزة والسواليف الخاثرة ما نبيها .
    * لا يجينا واحد ويقعد يسولف في موضوع ثاني من المواضيع ويخربه .. تبي تسولف تعال هنا وإإذا شفت واحد يسولف في موضوع ثاني قله الوعد القهوه



    وأخيراً الموضوع راح يتجدد كل فتره تقريباً كل يوم ..
    راح تحذف الردون في اليوم الجديد ويصير كأنه موضوع جديد عشان ما تكثر الصفحات .. "مثال وصل عدد اللصفحات اليوم 4 صفحات ، يبي يحذف المشرف في اليوم الثاني 3 صفحات ويبقي صفحه وحده اللي فيها السالفه الأخيرة





  2. #2
    عضو مؤسس
    الحالة : العتيبي غير متواجد حالياً
    رقم العضوية : 4
    تاريخ التسجيل : Jul 2003
    المشاركات : 768
    التقييم : 10
    Array

    تسلم يا البدوي ربي يعطيك العافيه

    ولا شلت يمناك ولا عدمناك

    تقبل مني جزيل الشكر

    اخوك : راعي الونه





المواضيع المتشابهه

  1. أسعار السيارات في الوكالات
    بواسطة MAXIMA_818 في المنتدى صور سيارات - اخبار سيارات - موديلات سيارات
    مشاركات: 17
    آخر مشاركة: 13-01-2007, 06:02 PM
  2. زواج كلف مليونين ونصف ريال
    بواسطة قمر الشرقيه في المنتدى المنتدى العام
    مشاركات: 13
    آخر مشاركة: 01-11-2005, 03:36 AM
  3. جـدول مبـاريات الدوري الإسبـاني 2003 - 2004
    بواسطة روق المنجـا في المنتدى رياضة - أهداف - صور لاعبين
    مشاركات: 6
    آخر مشاركة: 28-09-2005, 09:40 AM
  4. بطولة اسبانيا: ريال مدريد يتابع تشديد الخناق على برشلونة واشبيلية ينفرد
    بواسطة mfnoon في المنتدى رياضة - أهداف - صور لاعبين
    مشاركات: 1
    آخر مشاركة: 28-09-2005, 09:39 AM
  5. ريال مدريد يتعادل ، ورونالدينيو يحرز أول أهدافه مع البارسا
    بواسطة الزعيم في المنتدى رياضة - أهداف - صور لاعبين
    مشاركات: 1
    آخر مشاركة: 04-09-2003, 08:21 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60