النتائج 1 إلى 3 من 3

الموضوع: نصائح للي قريب بيتزوج

  1. #1
    عضو مؤسس
    الحالة : قمر الشرقيه غير متواجد حالياً
    رقم العضوية : 29
    تاريخ التسجيل : Jul 2003
    المشاركات : 1,574
    التقييم : 20
    Array

    نصائح للي قريب بيتزوج


    أكيد لاحظتوا إن مواضيع الاعراس دايما تركز

    على العروس .. على ملابسها

    على مكياجها.. على صحتها

    على اعصابها و.و.و...


    والعريس المسكين .. محد جايب خبره

    ماغير ادفع وانت ساكت



    لذلك جرى التنويه لما يلي:

    تضامناً مع إخواننا المعاريس , المقبلين على الزواج

    واللي محد واقف جنبكم , اهدي إليكم هذه النصائح

    قبل العرس تأكد انك سويت الأشياء التاليه:



    قبل العرس بأسبوعين



    حسابك في البنك مغطى(مو تتوهق بكره وتقول ماقلتولي)

    حجز تذاكر السفر لشهر العسل..

    حجز الاوتيل في بلد شهر العسل..

    (خللي اختيارك رومنسي شوي يعني روح لمكان بعيد انت وياها

    (جزيره نائيه)فرصه تضيعها وترجع وحدك كنك ماتدري

    او مكان في الجبل والهواء حلو



    هديه بسيطة تهديها لعروستك في أول يوم عسل ..

    تجهيز كل الحاجيات لبيت الزوجيه ..



    قبل العرس بأسبوع



    لا تحلق ابد أسبوع كامل عشان يوم العرس تلق

    استلام التذاكر السفر..

    استلام تأكيد حجز الاوتيل..

    علق ثيابك في بيتك مو تروح طرزان..

    ثوب العرس والبشت جاهزين..

    أدواتك الشخصية كاملة وجاهزة..

    فرشاه اسنان..

    ماكينه الحلاقه..

    عطوراتك..

    ملابسك الخاصه..

    نظف وجهك بالبخار قبل أسبوع من العرس

    ( علشان مايطلع وجهك منفخ في العرس)

    حجز موعد عند الحلاق علشان حلاقه ومساج و الخ الخ الخ.



    يوم العرس !!!



    خذ كفايتك من النوم

    بعد ماتقوم خذلك دوش دافي وتفرك زين تلاقيك من

    العيد للعيد تتسبح .. روق بالك وعقلك

    وفكر في افكار حلوه ورايقه عشان ينعكس الروقان على وجهك

    (يعني لا تروح العرس وانت مكشر او مرتبك او او او.)

    تغدى كويس لا تطيح علينا في العرس وتفشلنا

    عشاء مافي !!

    لاتحلم انك تاكل في الليل علشان تكون خفيف ياخفيف

    (في واحد مشفوح وتعشى قبل العرس وجاله تسمم

    من الأعصاب ليلتها

    وقضى الليله مابين الحمام والحمام وكانت ليله مايعلم فيها

    الا ربنا ولين الحين نضحك عليه بسبتها ).



    بخر الثوب والبشت وهدومك اللي بتلبسها كلها

    روح موعدك للحلاق وخليه يسويلك حلاقه معتبره ومساج

    عشان يروح أي ضغط عصبي وريلاكس



    البس هدومك وتبخر وتدهن بالعود وبخ من العطور الزينه

    وهذه لسته على البيعه بانواع العطور الرجاليه الحلوه:

    هافن

    هريريرا

    كارتييه

    شانيل

    بوشيرون

    س ت ديبون

    فلس الرجال مسيكين وهو بعد ماعرس

    روح الحين لعرسك بدري مو تحسب نفسك معزوم وتروح متاخر

    (يعنني اتغلى)

    ارسم الابتسامه الحلوه



    لحظة الدخول لقاعة النساء :



    سمي بالله

    ارسم ابتسامه حلوه

    وجه عيونك لعروستك اللي قاعده في الكوشه

    (هذا اذا سوت فيك حركه نذاله وسبقتك للكوشه

    وقعدت على الكرسي قبلك)

    اما اذا كنتوا ماشيين سوا:



    امسك يدها بشويش مو تضغط عليها كنك خايف وماسك ايد امك

    ترا العروس في هذيك اللحظه محتاجه كثير للحنان والاطمئنان يعني حسسها بالامان بمسكه يدك

    لما توصل عند الكوشه وقبل لاتقعدون على الكراسي

    ارفع الطرحه عن وجهها

    وبوس جبينها

    الحين اقعد على الكرسي

    انتبه لا تقعد على كرسيها

    (واحد من الربكه بعد ماقعدت عروسته وهو كان يسلم على خواته وعماته وقام من الربكه قعد على العروس

    وكل الصاله قامت تضحك عليه )



    بعد التصوير بيجيبون لكم عصير عشان تشربون

    انتبه لاتفشلنا وتشرب العصير لازم تشربها من كاسك وتشربك

    من كاسها وياريت تنتبه انك لاتطيح العصير على فستانها ..

    واذا لاسمح الله وطيحت العصير على الفستان

    اضحك ضحكه هبلاء وقولها طيحي عصير على ثوبي علشان نصير خالصين هههههه.



    وانت قاعد في الكوشه مع العروس

    انتبه تستخف دمك وتسالها مين هذيك ومين هاذي

    في واحد سال عروسته وهم في الكوشه قال لها مين هذيك اللي لابسه

    عدسات زرق وتضحك

    (من يومها وزوجته فاقده الثقه فيه)



    إذا عيونك ضربت شوط وشافت العدسات وش تسوي ؟؟

    عندي لك حل البس نظارات سوود في العرس علشان لاتشوف احد

    بعض الاعراس يقومون العريس مع عروسته للرقص

    (لاتنسى نفسك وتردح وتفشلنا)

    ترى والله صارت مره قوموا العريس مع عروسته علشان يرقصون

    شوي والعريس استـنـزل .



    عند تقطيع الكيكة :



    امسك يدها وروحوا للكيكه ( يمكن ماتدل مكان الكيكه )

    امسك السكينه ويدك فوق يدها على السكينه (كذا الاتيكيت)

    وقطعوا الكيكه ..خذ بالشوكه قطعه صغيره مره عشان تأكلها

    مو تحط نص الكيكه في الشوكه

    وتقولها كلي

    ترزز مره ثانيه للتصوير



    بس خلاص نادوا الناس للعشاء وكل واحد يروح بيته

    قلنا خلاص وش منتظرين؟؟
    منقوووووووووووووووووووووووووووووووووووووووووول





  2. #2
    عضو نشيط جداً
    الحالة : B U M غير متواجد حالياً
    رقم العضوية : 30
    تاريخ التسجيل : Jul 2003
    المشاركات : 123
    التقييم : 10
    Array

    مشكووووووووووووووووره اختي قمر
    ان شاء الله ننتبه لهذه الاشياء
    وانتو ذكرونا وقتها لا نجيب العيد


    ولكم تحياتي





  3. #3
    إدارة المنتدى و الاشراف العام
    الصورة الرمزية عبدالمحسن الودعاني
    الحالة : عبدالمحسن الودعاني غير متواجد حالياً
    رقم العضوية : 2
    تاريخ التسجيل : Jul 2003
    الدولة : المملكة
    الجنـس : ذكر
    المشاركات : 6,362
    التقييم : 15
    Array
    SMS:

    عقب غيبة سنين عندي امل في إتصالك !!

    MMS:

    MMS ~


    السلام عليكم

    ويسلموووو على هاذي النصايح القيمه

    وبصراحه في ذيك الفتره الواحد ينسى نفسه وما يدري وش يسوي بعمره الا اذا الله ارزقه بواحد من اخوياه بن حلال ويفهم في ذي الشغلات فما راح يضيع ... واذا اخوياه ما عندهم سالفه راحت فيها العروس هي الي بتتوهق

    مشكوره يا قمر الشرقيه




    منتداي الغالي
    لا اتخيل نفسي بدونك!






المواضيع المتشابهه

  1. ++ نصائح بسيطه لجمال شعرك ++
    بواسطة أم فهد في المنتدى شعر - فساتين - ملابس أطفال - مكياج
    مشاركات: 11
    آخر مشاركة: 15-07-2007, 10:39 PM
  2. نصائح للزوووجه
    بواسطة الشقراوي في المنتدى فرفشه - نكت - صرقعه - ضحك - تسليه - وناسه
    مشاركات: 7
    آخر مشاركة: 04-10-2006, 05:11 PM
  3. نصائح ذهبية للعمر المديد إن شاء الله
    بواسطة بو سعد في المنتدى المنتدى العام
    مشاركات: 3
    آخر مشاركة: 08-01-2004, 06:21 AM
  4. نصائح لتكون من اعز الناس
    بواسطة أيام السعد في المنتدى المنتدى العام
    مشاركات: 0
    آخر مشاركة: 07-11-2003, 07:07 AM
  5. نصائح رمضانية
    بواسطة أيام السعد في المنتدى الخيمه الرمضانية - سفره رمضانية - فتاوى رمضانيه
    مشاركات: 0
    آخر مشاركة: 22-10-2003, 03:41 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64