النتائج 1 إلى 8 من 8

الموضوع: مدرسه تفتري ظلما على طفل لايتكلم (حسبي الله على كل ظالم)

  1. #1
    عضو جديد
    الحالة : نصف القمر26 غير متواجد حالياً
    رقم العضوية : 22116
    تاريخ التسجيل : Jul 2011
    الدولة : السعوديه
    الجنـس : أنثى
    المشاركات : 6
    التقييم : 10
    Array
    MMS:

    MMS ~

    مدرسه تفتري ظلما على طفل لايتكلم (حسبي الله على كل ظالم)


    بسم الله الرحمن الرحيم
    حسبي الله ونعم الوكيل القصه حقيقيه لا تستهينون فيها
    هذه القصه موجهه لكل الاباء والامهات لاخذالعظه والحذر


    ولدي عمره اربع سنوات ونصف وعنده تأخر في اللغه التعبيريه
    يعني يتكلم ينطق بعض الكلمات لكن مايقدر يسرد قصه ولايركب جمله طويله
    حده جمله من كلمتين وسبب التاخر وراثي بالاضافه لبعض الاسباب البيئيه
    المهم انا سجلته ترم كامل في مركز ياخذ فيه جلسات تخاطب ولما خلص الترم نصحوني مدرسينه انه يواصل الخروج من البيت والاختلاط بالاطفال
    هينا انا بدئت ادور عن مراكز صيفيه تناسبه
    كل المراكز تركز على الانجليزي 000واخيرا لقيت في الوسيله نادي اسمه
    نادي رحمه للفروسيه 00بالخبر رحت لهم وسجلت ولدي ودفعت بس المكان مش على مستوى 00في اول يوم رحت مع ولدي وجلست طول اليوم عندهم علشان يحفظون اسمه وشكله 00بس من اول يوم حسيت ان مافي اي حرص ولاترتيب بس يخلون الاطفال يسبحون وبعدين يرمون لهم الكوره ويخلونهم يلعبون على كيفهم طبعا الاولاد الكبار اهم اللي يستحوذون على اللعب والصغار مالهم دور
    انا قلت لهم ولدي مايصلح عندكم مافي احد حوله وهو صغير مايعرف يصرف نفسه 00قالوا لي لالالا في استاذه مسؤوله عن الفئه العمريه من 3-6 هي اللي تقودهم معها وتنتبه عليهم توديهم المسبح وركوب الخيل وتوصلهم للباص
    ورحت قابلت المدرسه اسمها الهنوف وريتها ولدي وقلت لها عنه واسمه وكل شي وقالت اوكي لاتخافين ورحت الاداره قلت لهم انا خايفه اشوي على ولدي لانه مايتكلم زين
    قالوا: لا عادي عندنا اطفال كذا واندمجوا وتحسنوا حتى في الكلام مع باقي الاطفال
    قلت : اوكي بس انتبهوا له وخذت رقم جوالهم
    من ثاني يوم جاه الباص وراح معهم00 الساعه4 يبلشون
    الساعه4،30 دقوا على ابوه طبعا اهم ماعندهم رقم ابوه بس انا كنت خايفه عليه وللاحتياط كتبت رقم ابوه على ذراعه
    وهم طبعا مايدرون وين الوصل اللي مكتوب فيه رقمي
    المهم قالوا لنا ولدكم طاح علينا وفيقناه 00انا
    دقيت بسرعه على الرقم اللي عندي وقلت لها : وش صار
    قالت: غرق اشوي وسوينا له اسعاف وطلعنا المويه
    قال ابوه ودوه المستشفى بسرعه برو كير اقرب لكم
    ورحنا المستشفى 00يوم رحنا المدرسه حقت المسبح كانت معه
    هينا هي غيرت كلامها كله قدام الاطباءوقدامنا لانها خافت من المسؤوليه
    وقالت :
    ولدكم تشنج علينا قبل ماينزل المسبح وجلست توصف شكله وتقول تمددت يدينه ورجلينه وعيونه راحت فوق وزبد
    حتى احنا صدقنا
    قلت يمكن غرقان
    قالت :لالا تشنج حتى مانزل المسبح ابد
    قلنا لها طيب ليه ملابسه غير
    قالت احنا تونا بنبدل له عشان يسبح وبعدين صار كذا
    قلت لها: كان يصيح اوخايف
    قالت: لا
    اعتقد ان اسمها نفله
    تخيلوا تقولي انا متخصصه تربيه خاصه وعندي خبره ولدكم فيه شي موطبيعي؟؟؟؟؟يعني وش تقصد؟؟
    المهم انا قلت للدكتوره شاكه في مصداقيتها0
    وسووا له اشعه على الرئه وفحوصات دم (كل شي تمام)الحمدلله
    والاستجابه والمؤشرات الحيويه سليمه
    قالوا لازم نعمل له رنين مغناطيسي وتخطيط عل الاعصاب ولازم ننقله( لتعليمي )لانهم ماعندهم الجهاز وهم يخلصون اجراءات النقل ويجهزون سيارة الاسعاف كانيستفرغ مويه صافيه فيها قطع بسكوت والله العظيم جعل عيني ماتشوف النور لو كنت اكذب 00وانا اقول لطبيب الطوارئ هذه مويه يقولي لا تخافين
    حتى هالطبيب كان يغطي عليهم والله شكيت انه يعرفهم وكان اسمه صالح وفي نهاية السالفه لما طلبنا منه يشهد معنا انه شاف الولد وهو يستفرغ مويه قال:انا مااشهد زور!!سبحان الله مدري اللي قاعد يسويه وشو مايدري ان في فوقه اللي يقدر يعمي عينه ويخرس لسانه الله اكبر عليه..

    بعدين نقلناه بالاسعاف التعليمي وتنوم 5 ايام من البهدله مع التحاليل والاشعه والصور وكل شي سليم وحطوه تحت المراقبه يقولون يمكن يتشنج مره ثانيه وحتى اخذوا قياس الطول ومحيط الراس وعملوا تحاليل كثييييييره لدم كل اشوي ابره (والولد ياحياتي مايبين الوريد بسهوله يعني كل ابره اقل شي ضرب 3 وهو يصيح ويتعذب ويصارخ من هالابر كل اشوي مدخلين وحده ومطلعين وحده وبعدين يقولون هذا الوريد موزين بندور غيره....وهذا) وكل اشوي تخطيط قلب ومؤشرات حيويه وتخطيط عل الاعصاب وقياس الشحنات الكهربائيه بالدماغ وصوره على الراس وحتى تحليل للكروسومات واكثر من 100 سؤال عن حاله قبل الحادث ولا انطبق عليه شي00الحمدلله
    وهذا غير تعب الاعصاب والنفسيه اللي انا وابوه مرينا فيها الله لايعيدها من ايام
    المهم
    قالت دكتورة الاعصاب الحل00 نعطيه دوا للتشنج يستمر عليه 4سنوات حتى مايتشنج مره ثانيه وكل 3شهور تحليل لانه ممكن لاسمح الله يضر الكبد
    شفتوا الحكم اللي ان حكم عليه بناء على هالكذبه حتى الاطباء يقولون :اخذ البندول بدون حاجه يضر بالكبد فمابالك بدوا مثل هذا!!!

    يوم طلعنا من المستشفى مريت النادي قبل مااروح البيت لانه قريب من المستشفى وانا ساكنه بالدمام عشان اخذ اغراض ولدي
    دخلت وجاتني فكره قلت بسأل الاطفال عن اللي صار لانهم مايكذبون 00الا اشوف ام جايه مع عيالها
    سلمت وسالتها ايش صار ذاك اليوم في المسبح؟؟
    هينا المفاجأة
    قالت عيالي كانوا موجودين
    قالوا ان في ولد دز ولدك في المسبح وغرقه وجاوا بسرعه وطلعوه
    قلت لها بنتك اللي شافته كم عمرها
    قالت
    13
    قلت:ممكن تنادينها وتخلينه تقولي اللي صار
    وقلت البنت الله يحفظها ويحميها كل شي حتى انها تعرف شكل الولد اللي رماه في المسبح
    ولما رحت قلت لهم انا كشفت القصه وجيهم
    بس سووا انفسهم ناكرين ولما جبت البنت تشهد قالوا احنا ماناخذ كلام اطفال مع ان البنت ماشالله كبيره
    بعدين قالوا :بنجيب الولد اللي رمى ولدك مع اهله وحاسبيه
    وقلت لهم : انا مااحاسب طفل 00احاسب كذبكم علي وعلى المستشفى وعلى الايام العصيبه اللي عيشتوني انا وولدي فيها وعلى دموعي ودموع ابوه وجدانه على كذبه 00وعلى الدوا اللي انصرف بناء على كذبه
    وتهاوشنا معهم وطردونا برا النادي وقالوا اللي عندكم سووه ماعندكم شي يثبت ان ولدكم غرق
    واحنا فعلا سوينا اشعه على الرئه ومن رحمة ربي في البزر انها سليمه والمويه وصلت بس المعده وضل ثلاث ايام يستفرغ ماي وبلغم ولااكل شي
    والمشكله ان احنا طلعنا من المستشفى والملف تسكر بناء على اللي صار
    والحمدلله اللي سلم هالولد البريئ الله العالم بضعفه وانه مايقدر يقول ايش اللي صار بالضبط وهم استغلوا ضعفه علشان يبررون اهمالهم 00اللي مايخافون الله وخاصه مدرسة السباحه كان بامكانها تلفق القصه بدون ماتضر الولد وتحرق قلوبنا عليه يس ربي فضحها
    هذه انسانه لاتستحق ان يؤتمن اي طفل عندها0
    انا حاولت اكلمهم جوال بس ماردوا و من هالمنتدى احاول اوصل رسالتي لنادي رحمه وخاصه نفله والهنوف اللي امنتهم ولدي واقول:
    انا امنت ولدي رب العالمين واستودعته ربي قبل ما اامنه لكم
    والحمدلله الذي لايحد على مكروه سواه ربي حفظه
    وانتوا استقويتوا عليه بس ربي اقوى منكم وربي يبلغني فيكم يوم انشالله وراح اتحسب عليكم وادعي ربي عليكم ياخذ بحق الطفل وحق قلب الام اللي عذبتوه
    لين اموت
    ربي يوريكم انشالله
    اعتذر من القراء عن الاطاله بس حبيت اكتب بعض التفاصيل حتى اثبت صدق القصه
    واتمنى تستفيدون من تجربتي ولاتحطون عيالكم الا في مكان واثقين فيه زين0
    وحسبي الله على الظالمين





  2. #2
    عضو جديد
    الصورة الرمزية عمانية كول
    الحالة : عمانية كول غير متواجد حالياً
    رقم العضوية : 21983
    تاريخ التسجيل : Jun 2011
    الدولة : سلطنة عمان
    الجنـس : أنثى
    المشاركات : 22
    التقييم : 10
    Array
    MMS:

    MMS ~


    الحمدلله على سلامتك ولدج

    والله ع الظالم

    حسبي الله ونعم الوكيل فيهم





  3. #3
    عضو جديد
    الحالة : نصف القمر26 غير متواجد حالياً
    رقم العضوية : 22116
    تاريخ التسجيل : Jul 2011
    الدولة : السعوديه
    الجنـس : أنثى
    المشاركات : 6
    التقييم : 10
    Array
    MMS:

    MMS ~


    تسلمين حبيبتي عمانيه
    وشكرا لانك قرأتي موضوعي





  4. #4
    عضو جديد
    الصورة الرمزية دمعة احزان فلسطين
    الحالة : دمعة احزان فلسطين غير متواجد حالياً
    رقم العضوية : 21798
    تاريخ التسجيل : May 2011
    الدولة : فلسطين
    الجنـس : أنثى
    المشاركات : 27
    التقييم : 10
    Array
    SMS:

    ** لاحياة مع اليأس ولا يأس مع الحياة**

    MMS:

    MMS ~


    الحمد لله على سلامة طفلك
    ولا حول ولا قوة على كل ظااااالم





  5. #5
    عضو جديد
    الحالة : العسل توفي غير متواجد حالياً
    رقم العضوية : 22365
    تاريخ التسجيل : Sep 2011
    الدولة : المملكه العربيه السعوديه
    الجنـس : أنثى
    المشاركات : 1
    التقييم : 10
    Array
    MMS:

    MMS ~


    سلامة ولدك وجعلها اخر الاحزان والالام





  6. #6
    عضو جديد
    الحالة : suzy shaheen غير متواجد حالياً
    رقم العضوية : 22089
    تاريخ التسجيل : Jun 2011
    الدولة : hالسعوديه
    الجنـس : أنثى
    المشاركات : 3
    التقييم : 10
    Array
    MMS:

    MMS ~


    حمدالله على سلامه ابنك... بس تعرفى اهم حاجه انك تكونى معاه فى اى مكان لان مفيش حد هياخد بالو من ابنك الا انتى . انتى وبس .. والله انا بودى بنتى المدرسه وانا قلبى واجعنى عليها ولو بأيدى كنت رحت معها... ووالدها مرضاش يوديها المدرسه بالباص وقالى انا اوديها واجبها بنفسى...





  7. #7
    عضو نشيط جداً
    الصورة الرمزية نايس
    الحالة : نايس غير متواجد حالياً
    رقم العضوية : 22018
    تاريخ التسجيل : Jun 2011
    الدولة : الدمام
    الجنـس : أنثى
    المشاركات : 138
    التقييم : 10
    Array
    SMS:

    الشرقيه اهم مافي حياتي

    MMS:

    MMS ~


    حسبي الله ونعم الوكيل





  8. #8
    فعل عضويتك بريدياً
    الحالة : انوار 777 غير متواجد حالياً
    رقم العضوية : 22841
    تاريخ التسجيل : Jan 2012
    الدولة : السعودية
    الجنـس : أنثى
    المشاركات : 3
    التقييم : 10
    Array
    MMS:

    MMS ~


    جزاك اللة خير فية اشياء جديدة قلتي عنها شكرا ممكن اخذت من موضوعك كذا فكرة





المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64