النتائج 1 إلى 2 من 2

الموضوع: التمثال

  1. #1
    عضو جديد
    الحالة : حـ ـ ـ ـ ـمودي غير متواجد حالياً
    رقم العضوية : 105
    تاريخ التسجيل : Jul 2003
    المشاركات : 15
    التقييم : 10
    Array

    التمثال


    يا ريت تعجبكم هالقصديه بس ابي رد اوكيه شباب بنات يالله حــــــــــــــــــــــيهم بس

    عفا الله عن خطا غدر الخناجر والضلوع ابطال

    باسامح واتركك تحت الظلام الحالك .. الحالك

    دخيلك وفر دموعك ترى هدر الدموع اذلال
    وترى مافية احد يصبر مثل صبري بغربالك

    انا عيب على انقض كلامي ,والرجال افعال
    واذا قلت اقطع حبالك ..تراني بقطع حبالك

    عشان اكسب هدب عينك تجرعت العذاب اشكال
    وليتك ترأف بحالي علشان ارأف بحالك

    مسوي في حياتي شي .. مايذكر ولا ينقال
    حتى العدو وأهو العدو .. مايعمل اعمالك

    تمسيني على الهم وتصبحني على الغربال
    تقلطني فناجيلك .. وتقصر عني دلالك !!

    تحملت التعب لاجلك وانا حملي يهد جبال
    رحلت من العذاب .. وماوقفت الا على جالك

    علامك كلما أجيك متواضع جيتني تختــال
    معاك اليا متى باصبر .. وصبري معك يحلى لك

    مثل ما اقبلت لعيونك لزوم تلدلي باقبــــال
    ومثل ماقد حشمتك , حس واحشم قلبي اشوالك

    انا محد (ن) بجابرني اساير معك هالمنوال
    ترى ماني تبيع لك .. ولاني اصغر عيالك

    انا جيت اعشقك : نبض ومشاعر , مااعشقك تمثال
    انا جيت اسكنك واحياك وابقى فيك , وابقى لك

    انا جيت بظما عاشق تعب يطرد سراب اللال
    انا جيت استفز رضاك ..من فرقاك والجالك

    انا ماهمت بك عاقل انا كنت اعشقك بخبال
    انا ماكنت احبك حي .. انا كنت اعشقك ..هالك

    تخيل من كثر ماخفت تلقى للزعل مدخال
    اخاف اخطي على طيفك وادوس برجلي ظلالك

    تبعتك .. والعرب تتبع رعود البارق الهمال
    وانا شفت المطر .. يتبعك في حلك وترحالك

    كان اللي خلق حسنك خلقني مع جسدك ظلال
    وصرت اقرب جسد يمشي معك بقفاك واقبالك

    ابي قلبك يحس انه فقد .. بمحبته رجــــال
    ملكته من هدب عين .. وخسرت ارضاه باهمالك

    صحيح ان الفراق اقسى ولكن الوصل محال
    وانا صعب على ارضي غرورك .. واضعف قبالك

    بعد ماحققت عيني فبعدك للرقاد امال
    اعود للسهر ؟ ياخوي فال الله ولا فالك

    ببدل نظرتك فيني .. واجي لك كل يوم بحال
    باكون اقرب من ثيابك عليك .. ولا اتهيالك

    بالمك ,وانثرك ,واجمعك ,وارجع انثرك باهمال
    باخونك ,وازعلك, وارضيك ,وازعل منك وارضى لك

    ابرسم بالثرى وجهك .. وابدفن صورتك برمال
    ابشكي للعرب فرقاك .. واضحك عند عذالك

    ابهديك الوصال :فراق .. واهديك الفراق وصال !
    بسوي مثل ماشوفك تسوي ..وافعل افعالك

    عشان عرف من فينا الزعول .. ومن وسيع البال
    ابيك تذوق فنجالي .. وانا بذوق فنجالك

    نصيحة احتفظ فيها قصر معك .. الزمن أوطال
    ابي تسمع كلامي زين .. وتحطة عـــلى بالك ..

    اذا حبك اهبال أطفال .. لك عندي هبال أطفال
    ولا .. وابشر بعد بهبال حب ماهو بهـــبالك

    اذا قصدك تهين اســـمي عشان تشمت العذال
    ترى لا انته ولا غيرك .. ولا عشرة من اشكالك

    لشـــــــــــــــــعر المميز حامد زيد ومشكورين





  2. #2
    مشرف مؤسس
    الحالة : صمت الحب غير متواجد حالياً
    رقم العضوية : 3
    تاريخ التسجيل : Jul 2003
    المشاركات : 1,726
    التقييم : 10
    Array

    اهلين اخوي حمودي

    قصييده روعه لشاعر اروع

    كلمات جميل وانت الاجمل

    ويسلموو على هالذوق

    وتسلم يمينك الي نقلت لنا هالقصيده

    وتحياتي
    اخوكـ بوشهاب





المواضيع المتشابهه

  1. تمثال حامـــد زيد ..
    بواسطة جنوون في المنتدى قصائد - قصائد شعراء - قصائد منقوله - قصائد صوتيه
    مشاركات: 2
    آخر مشاركة: 20-11-2003, 01:27 AM
  2. من هو شاعرك المفضل؟ تفضلوا بالدخول الكل مدعو
    بواسطة مجموعة الدمام البريدية في المنتدى قصائد - قصائد شعراء - قصائد منقوله - قصائد صوتيه
    مشاركات: 1
    آخر مشاركة: 11-07-2003, 04:15 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60